BREAKING NEWS

അമേരിക്കയുടെ നിലപാട് ഇസ്രയേലിന്റെ കുറ്റകൃത്യങ്ങൾ തുടരാൻ സഹായിക്കുന്നതാണ്… ഹൂതി നേതാവ് പ്രസം​ഗിച്ചുകൊണ്ടിരിക്കെ ആക്രമണം, ഡസൻ കണക്കിന് ഹൂതികൾ കൊല്ലപ്പെട്ടുവെന്ന് ഇസ്രയേൽ!! ഡസനൊന്നുമില്ല രണ്ടുപേരെന്ന് മറുപടി

· · 1 min read
Share: Copied!

സന: ഇസ്രയേലിൽ ഹൂതികൾ നടത്തിയ ആക്രമണത്തിന് തിരിച്ചടിയായി യമൻ തലസ്ഥാനമായ സനയിൽ ആക്രമണം നടത്തി ഇസ്രയേൽ. ആക്രമണത്തെ തുടർന്ന് നഗരം മുഴുവൻ പുകപടലങ്ങളാണെന്ന് അൽ മാസിറ ടിവി റിപ്പോർട്ട് ചെയ്യുന്നു. ആക്രമണം ഇസ്രയേൽ സൈനിക വക്താവ് സ്ഥിരീകരിച്ചിട്ടുണ്ട്. 12ഓളം യുദ്ധവിമാനങ്ങളും എയർ സപ്പോർട്ട് യൂണിറ്റുകളും ഉപയോഗിച്ചാണ് ആക്രമണം നടത്തിയതെന്ന് ഇസ്രയേൽ സൈന്യം വ്യക്തമാക്കി.

ആക്രമണത്തിൽ ഹൂതി ജനറൽ സ്റ്റാഫിന്റെ കമാൻഡ് ആസ്ഥാനവും ഹൂതികളുടെ സുരക്ഷാ-രഹസ്യാന്വേഷണ ഉപകരണങ്ങളെയുമാണ് ഇസ്രയേൽ ലക്ഷ്യമിട്ടത്. ആക്രമണത്തിൽ ഡസൻ കണക്കിന് ഹൂതി തീവ്രവാദ പ്രവർത്തകർ കൊല്ലപ്പെട്ടെന്ന് ഇസ്രയേൽ പ്രതിരോധ മന്ത്രി ഇസ്രയേൽ കാട്‌സ് അവകാശപ്പെട്ടു. എന്നാൽ അത്രയൊന്നുമില്ലെന്നു രണ്ട് പേർ കൊല്ലപ്പെട്ടെന്നും 48 പേർക്ക് പരുക്കേറ്റെന്നും ഹൂതികൾ വ്യക്തമാക്കി.

അതേസമയം ഹൂതി നേതാവ് അബ്ദുൽ മാലിക് അൽ ഹൂതി നടത്തിയ പ്രസംഗത്തിനിടെയാണ് ഇസ്രയേൽ ആക്രമണം നടത്തിയത്. ‘ഗാസയിലെ ഇസ്രയേൽ ആക്രമണം രണ്ടാം വർഷമാകുമ്പോൾ ക്രൂരമായ ആക്രമണവും വംശഹത്യയുമാണ് നടത്തുന്നത്. വെടിനിർത്തലിനും ഇസ്രയേൽ നിയന്ത്രണങ്ങൾ നീക്കുന്നതിനും വേണ്ടിയുള്ള പ്രമേയം സുരക്ഷാ സമിതിയിൽ അമേരിക്ക വീറ്റോ ചെയ്തു. അമേരിക്കയുടെ നിലപാട് ഇസ്രയേലിന്റെ കുറ്റകൃത്യങ്ങൾ തുടരാൻ സഹായിക്കുന്നതാണ്’… എന്ന പ്രസംഗത്തിനിടെയായിരുന്നു ആക്രമണം.

കഴിഞ്ഞ ബുധനാഴ്ച രാത്രിയാണ് ഇസ്രയേലിലെ തെക്കൻ നഗരമായ എയ്ലത്തിൽ ഹൂതി ആക്രമണം നടത്തിയത്. 22 പേർക്ക് പരുക്കേറ്റു. ഇസ്രയേൽ നഗരങ്ങൾക്ക് നേരെയുള്ള ഏത് ആക്രമണവും ഹൂതി ഭരണകൂടത്തിന് വേദനാജനകമായ തിരിച്ചടി നൽകുമെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു അന്നു പ്രതികരിച്ചിരുന്നു. അതുപോലെ വ്യോമാക്രമണ ഭീഷണിയോട് പ്രതികരിക്കാനുള്ള വഴികൾ ആലോചിക്കാൻ സൈന്യത്തോട് നെതന്യാഹു ആവശ്യപ്പെടുകയും ചെയ്തു. പിന്നാലെയാണ് സനയിൽ ആക്രമണം നട‌ത്തിയത്.

മരുന്നിലും പണി തന്ന് ട്രംപ്; ഇറക്കുമതി ബ്രാൻഡഡ് മരുന്നുകൾക്ക് 100% തീരുവ ഏർപ്പെടുത്തി, ഇന്ത്യൻ ഫാർമസ്യൂട്ടിക്കൽ മേഖലയ്ക്ക് കനത്ത തിരിച്ചടി, ഒക്ടോബർ ഒന്നുമുതൽ പുതിയ തീരുവ പ്രാബല്യത്തിൽ

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026