ന്യൂഡൽഹി: ഇന്ത്യ- പാക് സംഘർഷത്തിന്റെ പശ്ചാത്തലത്തിൽ മൈസൂർ പാക്കിന്റേത് അടക്കം നിരവധി മധുരപലഹാരങ്ങളുടേ പേര് മാറ്റി രാജസ്ഥാനിലെ ജയ്പൂരിലെ ബേക്കറി. പേരിനൊപ്പം ‘പാക്’ എന്ന് വരുന്ന പലഹാരങ്ങളുടെയെല്ലാം പേരിൽ നിന്നും പാക് വെട്ടിമാറ്റി പകരം അവിടെ ‘ശ്രീ’ എന്നാണ് ചേർത്തിരിക്കുന്നതെന്ന് കടയുടമ പറയുന്നു.
ഇനി മുതൽ ‘മോട്ടി പാക്ക്’ എന്നത് ‘മോട്ടി ശ്രീ’യും ‘ഗോണ്ട് പാക്ക്’ എന്നത് ‘ഗോണ്ട് ശ്രീ’യും ആയിരിക്കും. മധുര പ്രേമികളുടെ ഇഷ്ട വിഭവമായ ‘മൈസൂർ പാക്ക്’ ഇനി മുതൽ ‘മൈസൂർ ശ്രീ’ എന്ന പേരിലാവും ബേക്കറിയിൽ വിൽക്കുക.
അതേസമയം മധുര പലഹാരങ്ങളുടെ പേരിനൊപ്പമുള്ള പാക് എന്ന വാക്കിന് പാക്കിസ്ഥാനുമായി യാതൊരു പുലബന്ധം പോലുമില്ലെന്നിരിക്കെയാണ് ബേക്കറി ഉടമയുടെ ഇടപെടൽ. കന്നടയിൽ മധുരം എന്നാണ് പാക് എന്ന വാക്കിന്റെ അർത്ഥം. ജമ്മു കശ്മീരിലെ പഹൽഗാമം ഭീകരാക്രമണത്തിന് പിന്നാലെ ഉടലെടുത്ത സംഘർഷത്തിന്റെ പശ്ചാത്തലത്തിലാണ് ഈ പേരുമാറ്റം.
Related Post
