തിരുവനന്തപുരം: മാധ്യമപ്രവര്‍ത്തകയെ പീഡിപ്പിക്കാന്‍ ശ്രമിച്ചെന്ന പരാതിയെത്തുടര്‍ന്ന് സിഡിറ്റ് ജീവനക്കാരനെ പുറത്താക്കി. കണ്ണൂര്‍ സ്വദേശിയായ സപ്‌നേഷിനെയാണ് പുറത്താക്കിയത്. മുഖ്യമന്ത്രിയുടെ ടോക്ക് ഷോ ‘ നാം മുന്നോട്ടി’ന്റെ മുന്‍ പ്രൊഡ്യൂസറായിരുന്നു സപ്‌നേഷ്.
മറ്റൊരാള്‍ വഴികെണിയൊരുക്കി തന്നെ പീഡിപ്പിക്കാന്‍ സപ്‌നേഷ് രണ്ടുവട്ടം ശ്രമിച്ചെന്നായിരുന്നു സഹപ്രവര്‍ത്തകയായ യുവതി പരാതി നല്‍കിയത്. 2017 സെപ്തംബറിലും 2018 ജനുവരിയിലുമാണ് തനിക്കെതിരായ പീഡന ശ്രമങ്ങള്‍ നടന്നതെന്നായിരുന്നു യുവതി പരാതിയില്‍ പറഞ്ഞിരുന്നത്.
