ബലൂചിസ്ഥാൻ: ബലൂചിസ്ഥാൻ ലിബറേഷൻ ഫ്രണ്ട് (BLF) രൂപീകരിച്ച പുതിയ വനിതാ സായുധ വിഭാഗമായ കരിമ അർമ്ഡ് അസോൾട്ട് ഡിവിഷൻ (KAAD) ആദ്യമായി നടത്തിയ സായുധ ആക്രമണത്തിന്റെ ദൃശ്യങ്ങൾ പുറത്ത്. ബലൂചിസ്ഥാനിലെ തുർബത്തിൽ പാക്കിസ്ഥാൻ സൈനികരുടെ വാഹനവ്യൂഹത്തിന് നേരെ നടത്തിയ ആക്രമണത്തിൽ ഒമ്പത് സൈനികർ കൊല്ലപ്പെട്ടതായി വിഘടനവാദി സംഘടന അവകാശപ്പെട്ടു. ആക്രമണത്തിൽ ഒരു കവചിത വാഹനമുൾപ്പെടെ നിരവധി സൈനിക വാഹനങ്ങൾക്ക് സാരമായ കേടുപാടുകൾ സംഭവിച്ചതായും സംഘടന വ്യക്തമാക്കി.
സെപ്റ്റംബർ 22ന് ബലൂചിസ്ഥാനിലെ ചൈന– പാക് സാമ്പത്തിക ഇടനാഴി (CPEC) പാതയിൽ നടന്നതായി പറയുന്ന ആക്രമണത്തിന്റെ ദൃശ്യങ്ങളാണ് ഇപ്പോൾ പുറത്തുവന്നത്. മൂന്ന് വാഹനങ്ങളടങ്ങിയ ക്വിക് റെസ്‌പോൺസ് ഫോഴ്‌സ് (QRF) വാഹനവ്യൂഹത്തിന് നേരെ റൈഫിളുകളുമായി KAAD അംഗങ്ങൾ വെടിയുതിർക്കുന്നതാണ് ദൃശ്യങ്ങളിലുള്ളത്. ആക്രമണത്തിന് മുന്നോടിയായി വനിതാ കമാൻഡർ സംഘാംഗങ്ങൾക്ക് നിർദേശങ്ങൾ നൽകുന്നതും വീഡിയോയിൽ കാണാം. തുടർന്ന് വളരെ അടുത്തുനിന്ന്, ഏകദേശം അഞ്ച് ചുവടുകൾ മാത്രം അകലത്തിൽനിന്ന് ആക്രമണം നടത്തിയതായും ദൃശ്യങ്ങളിൽനിന്ന് വ്യക്തമാകുന്നു.
ആക്രമണത്തിന് KAADയെ പിന്തുണച്ച് സംഘടനയുടെ ഖുർബാൻ യൂണിറ്റും രംഗത്തുണ്ടായിരുന്നുവെന്ന് BLF വക്താവ് മേജർ ഗ്വഹ്‌റാം ബലൂച് പറഞ്ഞു. വളഞ്ഞാക്രമിക്കാൻ ശ്രമിച്ച പാക്കിസ്ഥാൻ സൈനികരെ നേരിട്ട് പ്രതിരോധിക്കുകയും വനിതാ വിഭാഗത്തിലെ പോരാളികളുടെ പിൻവാങ്ങലിന് സംരക്ഷണം നൽകുകയും ചെയ്തതായി അദ്ദേഹം അവകാശപ്പെട്ടു. ഖുർബാൻ യൂണിറ്റ് പോരാളിയായ ചാകർ മുറാദ് എന്ന ദിലീപ് ജാൻ ആക്രമണത്തിനിടെ കൊല്ലപ്പെട്ടതായും വക്താവ് അറിയിച്ചു.
വീഡിയോയിലെ മറ്റൊരു ഭാഗത്ത് കലാത്തിലെ മാങ്ചർ മേഖലയിൽ KAAD അംഗങ്ങൾ വാഹനങ്ങൾ തടഞ്ഞുനിർത്തി പരിശോധന നടത്തുന്നതും കാണാം. അതേസമയം, ബലൂചിസ്ഥാനിലെ ഡേര ബുഗ്തി ജില്ലയിലെ ബെഹ് ലോട്ടി മേഖലയിൽ മാരി എനർജീസ് ലിമിറ്റഡിന്റെ കേന്ദ്രത്തിനുനേരെയും ആക്രമണം നടന്നതായി റിപ്പോർട്ടുണ്ട്. ബലൂച് റിപ്പബ്ലിക്കൻ ആർമി (BRA) റോക്കറ്റുകളും കനത്ത ആയുധങ്ങളും ഉപയോഗിച്ചാണ് ആക്രമണം നടത്തിയതെന്ന് സംഘടനയുടെ വക്താവ് സർബാസ് ബലൂച് പറഞ്ഞു. ആക്രമണത്തിൽ കമ്പനിയിലെ മൂന്ന് ജീവനക്കാർ കൊല്ലപ്പെടുകയും നിരവധി പേർക്ക് പരുക്കേൽക്കുകയും ചെയ്തതായി അദ്ദേഹം അവകാശപ്പെട്ടു.
മാരി എനർജീസ് കേന്ദ്രത്തിലെ ആക്രമണത്തിന് പിന്നാലെ പാക്കിസ്ഥാൻ സൈന്യവും തങ്ങൾ പ്രാദേശികമായി സർക്കാരിന്റെ പിന്തുണയുള്ള സായുധ സംഘമെന്ന് വിശേഷിപ്പിച്ച വിഭാഗത്തിലെ അംഗങ്ങളും തമ്മിൽ ഏറ്റുമുട്ടലുണ്ടായതായും സർബാസ് പറഞ്ഞു. ഏറ്റുമുട്ടലിൽ ഒമ്പത് പാക് സൈനികരും സായുധ സംഘത്തിലെ മൂന്ന് അംഗങ്ങളും കൊല്ലപ്പെട്ടതായി പ്രസ്താവനയിൽ അവകാശപ്പെട്ടു. ആറ് BRA പോരാളികളും കൊല്ലപ്പെട്ടതായി ദി ബലൂചിസ്ഥാൻ പോസ്റ്റ് റിപ്പോർട്ട് ചെയ്തതായും ലേഖനത്തിൽ പറയുന്നു.
ഇതിനിടെ, ബലൂച് റിപ്പബ്ലിക്കൻ ഗാർഡ്സ് (BRG) ഹാജി ഷഹർ പിടിച്ചെടുത്തതായും അവിടെയുള്ള പ്രാദേശിക പോലീസ് സ്റ്റേഷൻ സ്‌ഫോടകവസ്തുക്കൾ ഉപയോഗിച്ച് തകർത്തതായും അവകാശപ്പെട്ടു. BRA പോരാളികൾ ഏരി ഷഹറിൽ പ്രവേശിച്ച് സർക്കാർ സ്ഥാപനങ്ങളുടെ നിയന്ത്രണം ഏറ്റെടുത്തശേഷം ഓപ്പറേഷൻ പൂർത്തിയാക്കി സുരക്ഷിതമായി പിൻവാങ്ങിയതായും സംഘടന അറിയിച്ചു.
അതേസമയം KAAD എന്ന പേര് ബലൂച് സ്വാതന്ത്ര്യ പ്രസ്ഥാനത്തിലെ പ്രമുഖ പ്രവർത്തകയായ കരിമ ബലൂചിന്റെ പേരിൽ നിന്നാണ് സ്വീകരിച്ചിരിക്കുന്നത്. ബലൂച് സ്റ്റുഡന്റ്സ് ഓർഗനൈസേഷൻ–ആസാദിന്റെ (BSO-Azad) ആദ്യ വനിതാ അധ്യക്ഷയായിരുന്നു കരിമ. 2020ൽ കാനഡയിലെ ടൊറന്റോയിൽ അവരെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തുകയായിരുന്നു.
مانیٹرنگ :
بلوچستان لبریشن فرنٹ (BLF) نے اپنے میڈیا سیل ’’آشوب‘‘ کے ذریعے اپنے نو تشکیل شدہ ’’کریمہ آرمڈ اسالٹ ڈویژن‘‘ (KAAD) کی ایک ویڈیو جاری کی ہے۔
ویڈیو میں تربت کے علاقے جوسک میں سی پیک روڈ پر کیو آر ایف قافلے پر حملے اور قلات کے علاقے منگچر میں ناکہ بندی اور گاڑیوں کے اسنیپ چیکنگ کے مناظر شامل ہیں۔ BLF کے مطابق، ان کارروائیوں میں مجموعی طور پر 9 فوجی اہلکار ہلاک اور متعدد زخمی ہوئے۔
تربت جوسک کی ویڈیو میں خواتین کمانڈر کو مشن کی تفصیلات بتاتے ہوئے دیکھا جا سکتا ہے، جبکہ ویڈیو میں تربیتی مناظر بھی شامل ہیں۔
بعد ازاں تربت جوسک کی ویڈیو میں دیکھا جا سکتا ہے کہ KAAD کے جنگجو فوجی گاڑیوں کے قافلے کو تقریباً پانچ قدم کے فاصلے سے شدید فائرنگ کا نشانہ بنا رہے ہیں، جبکہ قلات کے علاقے منگچر میں KAAD کے جنگجوؤں کو گاڑیوں کی سنیپ چیکنگ کرتے ہوئے دیکھا جا سکتا ہے۔
ویڈیو میں تقریباً پانچ قدم کی دوری سے حملہ کرتے ہوئے دکھایا گیا ہے، جس سے ان جنگجوؤں کی تربیت اور کارروائی کی تیاری کا اندازہ ہوتا ہے کہ انہیں کئی سالوں سے تربیت دی گئی ہے۔
کاڈ کے منظم حملوں سے ظاہر ہوتا ہے کہ بی ایل ایف نے اس یونٹ کو کئی سال کی محنت اور تجربات کے ذریعے ایک منظم جنگی یونٹ کے طور پر تشکیل دیا ہے، جبکہ اس کی مسلسل کارروائیاں تنظیم کی جانب سے اس یونٹ پر دی جانے والی توجہ کو ظاہر کرتی ہیں۔
#بلوچستان
— Subain Baloch (@subain_bluch) September 28, 2026
