BREAKING NEWS

പൊതുശൗചാലയത്തിൽ നിന്ന് വിഷവാതകം പുറത്തേക്കു തള്ളി; രാസവസ്തു ശ്വസിച്ചതിനെ തുടർന്ന് ശ്വാസം മുട്ടൽ, രണ്ട് യുവാക്കൾക്ക് ദാരുണാന്ത്യം

· · 1 min read
Share: Copied!

മുംബൈ: മുംബൈ നഗരപ്രാന്തത്തിലെ പൊതുശൗചാലയത്തിനുള്ളിൽ വിഷാംശമുള്ള രാസവസ്തു ശ്വസിച്ചതിനെ തുടർന്ന് രണ്ട് യുവാക്കൾ ശ്വാസംമുട്ടി മരിച്ചു. ഞായറാഴ്ച പുലർച്ചെയാണ് സംഭവം. മരിച്ചവർ പ്രഭാകർ ധനിവർ (24), ഭവിൻ ദേശായി (18) എന്നിവരാണെന്ന് അധികൃതർ അറിയിച്ചു.

പാർസി പഞ്ചായത്ത് ഗേറ്റിന് സമീപം, മൃണാൾതായ് പാലത്തിനടുത്തുള്ള രാം മന്ദിർ ഈസ്റ്റ് മേഖലയിലെ പൊതുശൗചാലയത്തിലാണ് സംഭവം നടന്നത്. പുലർച്ചെ തന്നെ ശക്തമായ രാസവസ്തുവിന്റെ ഗന്ധം ശൗചാലയത്തിനുള്ളിൽ നിന്ന് പുറത്തേക്കു അനുഭവപ്പെട്ടതായാണ് പ്രദേശവാസികൾ പറയുന്നു. ഇതിന് പിന്നാലെയാണ് ഇരുവർക്കും ശ്വാസംമുട്ടലുണ്ടാവുകയായിരുന്നു.

സംഭവത്തെ തുടർന്ന് അഗ്നിശമനസേന, പോലീസ്, 108 ആംബുലൻസ് സേവനം, മഹാരാഷ്ട്ര മലിനീകരണ നിയന്ത്രണ ബോർഡ് ഉദ്യോഗസ്ഥർ, ബന്ധപ്പെട്ട നഗരസഭാ വാർഡ് ജീവനക്കാർ എന്നിവർ സ്ഥലത്തെത്തി. ഗുരുതരാവസ്ഥയിലായിരുന്ന പ്രഭാകർ ധനിവറിനെയും ഭവിൻ ദേശായിയെയും സമീപത്തെ നഗരസഭാ ആശുപത്രിയിൽ എത്തിച്ചെങ്കിലും പുലർച്ചെ 3.45ഓടെ ഡോക്ടർമാർ ഇരുവരും മരിച്ചതായി സ്ഥിരീകരിച്ചു.

അതേസമയം പൊതുശൗചാലയത്തിനുള്ളിൽ ഉണ്ടായതായി സംശയിക്കുന്ന രാസവസ്തു ചോർച്ചയാണ് അപകടത്തിന് കാരണമെന്നാണ് പ്രാഥമിക നിഗമനം. എന്നാൽ ഏത് രാസവസ്തുവാണ് ചോർന്നതെന്നും അത് എവിടെ നിന്നാണ് എത്തിയതെന്നും വ്യക്തമായിട്ടില്ല. സംഭവത്തെക്കുറിച്ച് കൂടുതൽ അന്വേഷണം നടക്കുകയാണെന്നും അധികൃതർ അറിയിച്ചു.

മുംബൈയിൽ വിഷവാതകമോ രാസവസ്തുക്കളോ ശ്വസിച്ച് ശ്വാസംമുട്ടി മരിക്കുന്ന സംഭവങ്ങൾ കഴിഞ്ഞ ഏതാനും വർഷങ്ങളായി നിരവധി തവണ റിപ്പോർട്ട് ചെയ്തിട്ടുണ്ട്. കഴിഞ്ഞ വർഷം മാർച്ചിൽ ദക്ഷിണ മുംബൈയിലെ നിർമാണത്തിലിരുന്ന കെട്ടിടത്തിലെ വാട്ടർ ടാങ്ക് വൃത്തിയാക്കുന്നതിനിടെ നാല് തൊഴിലാളികൾ ശ്വാസംമുട്ടി മരിച്ചിരുന്നു.

 

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026