BREAKING NEWS

‘ഹലോ പോലീസ് സ്റ്റേഷനല്ലേ… എന്റെ വീട്ടിൽ പാകം ചെയ്യാൻ വച്ചിരുന്ന ഉരുളക്കിഴങ്ങ് മോഷണം പോയി’; 112 ൽ വിളിച്ച് അടിയന്തര സഹായം ആവശ്യപ്പെട്ട് യുപി സ്വദേശി

· · 1 min read
Share: Copied!

ലഖ്‌നൗ: വീട്ടിൽ പാകം ചെയ്യാൻ വച്ചിരുന്ന 250 ഗ്രാം ഉരുളക്കിഴങ്ങ് മോഷണം പോയി. അത് കണ്ടെത്തിത്തരണമെന്ന ആവശ്യവുമായി പോലീസിനെ സമീപിച്ചിരിക്കുകയാണ് യുപി സ്വദേശി. ഉത്തർപ്രദേശിലെ ഹർദോയ് ജില്ലയിലെ മന്നപൂർവ നിവാസിയായ വിജയ് വർമയാണ് തികച്ചും വ്യത്യസ്തവും അതേ സമയം കൗതുകകരവുമായ ആവശ്യവുമായി പോലീസിന്റെ അടിയന്തരസഹായത്തിനുള്ള ടോൾഫ്രീ നമ്പറായ 112ലേക്ക് വിളിച്ചത്. സംഭവത്തിൽ വിജയ് വർമ പോലീസുകാരോട് പരാതി ഉന്നയിക്കുന്ന വീഡിയോ ദൃശ്യങ്ങളും ഇതിനോടകം സാമൂഹികമാധ്യമങ്ങളിൽ വൈറലായിക്കഴിഞ്ഞു.

ദീപാവലിയുടെ തലേദിവസം രാത്രിയാണ് പോലീസിന്റെ സഹായത്തിനായുള്ള ‘112’ എന്ന ടോൾഫ്രീ നമ്പറിലേക്ക് വിജയ് വർമ വിളിച്ചത്. വീട്ടിൽനിന്ന് പാകം ചെയ്യാനായി തൊലി കളഞ്ഞുവച്ച ഉരുളക്കിഴങ്ങ് കാണാതായെന്നും സംഭവത്തിൽ അന്വേഷണം വേണമെന്നുമായിരുന്നു ആവശ്യം. ഫോണിലൂടെ വിവരമറിഞ്ഞതിന് പിന്നാലെ പോലീസ് സംഘം വിജയ് വർമയുടെ വീട്ടിലെത്തി.

പോലീസ് വീട്ടിലെത്തിയപ്പോൾ കാണുന്നത് മദ്യപിച്ച് കിറുങ്ങി നിൽക്കുന്ന പരാതിക്കാരനേയായിരുന്നു. ഇതോടെ മദ്യപിച്ചിട്ടുണ്ടോ എന്നായിരുന്നു പോലീസിന്റെ ചോദ്യം. അതെയെന്ന് മറുപടിയും. ”ഞാൻ മദ്യപിച്ചിട്ടുണ്ട്. ദിവസം മുഴുവനും ജോലിചെയ്യുന്ന ഞാൻ വൈകിട്ട് ചെറുതായിട്ട് ഒന്നടിക്കാറുണ്ട്. പക്ഷേ, ഇത് മദ്യപാനവുമായി ബന്ധപ്പെട്ട പ്രശ്‌നമല്ല. ഇത് ഉരുളക്കിഴങ്ങ് കാണാതായ വിഷയമാണ്. അന്വേഷിക്കണം’ എന്നായിരുന്നു വിജയുടെ ആവശ്യം. എത്ര കിലോ ഉരുളക്കിഴങ്ങ് മോഷണം പോയെന്ന ചോദ്യത്തിന് 250 ഗ്രാമെന്ന മറുപടിയും.

സംഭവത്തിൽ കൗതുകം തോന്നിയ പോലീസ് വിജയ് വർമ പരാതി ഉന്നയിക്കുന്ന വീഡിയോയെടുത്ത് പുറത്തുവിട്ടതോടെ സാമൂഹികമാധ്യമങ്ങളിൽ വ്യത്യസ്ത അഭിപ്രായങ്ങളാണുയരുന്നത്. പരാതി എന്തായാലും പോലീസ് അതിവേഗത്തിൽ പ്രതികരിച്ചതിനെ പലരും അഭിനന്ദിച്ചു. എന്നാൽ, ഇത്തരം പരാതികൾ പോലീസിനെയും മറ്റു അടിയന്തരസേവനങ്ങളെയും ദുരുപയോഗം ചെയ്യുന്നതാണെന്നായിരുന്നു ഒരുവിഭാഗത്തിന്റെ വിമർശനം. അതേസമയം, ഉരുളക്കിഴങ്ങ് കാണാതായ സംഭവത്തിൽ പോലീസ് വിശദമായ അന്വേഷണം നടത്തിയോ, പ്രതിയെ പിടികൂടിയോ എന്നകാര്യത്തിൽ വ്യക്തതയില്ല.

BREAKING NEWS
’ഇന്ത്യയുടെ 36 റഫാൽ വിമാനങ്ങളിൽ നാലെണ്ണം കാണാനില്ല’, ബ്രിട്ടനിലെ ഫ്ളൈറ്റ് ഗ്ലോബൽ റിപ്പോർട്ട്; കണക്കുകൾ തള്ളി വ്യോമസേനാ മുൻ ഉപമേധാവി;’പാകിസ്താൻ പ്രചാരണത്തിന്റെ ആവർത്തനം’
20 Nov 2026
BREAKING NEWS
’മുസ്ലിം ലീഗ് പ്രവർത്തകരായ ചില സാക്ഷികൾ വ്യാജമൊഴി നൽകാൻ തയ്യാറാകാതിരുന്നത് അവർ യഥാർത്ഥ സത്യവിശ്വാസികൾ ആയതുകൊണ്ടാണ്; ഒരു യഥാർത്ഥ വിശ്വാസിക്ക് മനഃസാക്ഷിക്ക് വിരുദ്ധമായി കള്ളസാക്ഷി പറയാൻ കഴിയില്ല; അതിനാലാണ് പ്രോസിക്യൂഷന്റെ പല നീക്കങ്ങളും പാളിപ്പോയത്’- പി.ജയരാജൻ
20 Nov 2026
BREAKING NEWS
വനിതാ ഇൻഫ്ലുവൻസർ തന്റെ വിവാഹനിശ്ചയത്തിന്റെ ദൃശ്യങ്ങൾ ഇൻസ്റ്റഗ്രാമിലും യൂട്യൂബിലും പങ്കുവച്ചു, വിവാഹ വാർത്തയറിഞ്ഞ് ആരാധകൻ അസ്വസ്തനായി, തന്നെ വിവാഹം കഴിക്കണമെന്ന ആവശ്യപ്പെട്ട് വീട്ടിൽ അതിക്രമിച്ച് കയറിയ യുവാവിനെ മർദിച്ചുകൊന്നു, പിതാവടക്കം രണ്ട് പേർ അറസ്റ്റിൽ, യുവാവ് മുൻപും ഇൻഫ്ലുവൻസറുടെ വീട്ടിൽ വന്...
20 Nov 2026
BREAKING NEWS
വ്യാജപ്രചാരണക്കാരോട് ഒന്ന് മാത്രമേ പറയുന്നുള്ളൂ, GO TO YOUR CLASSES... മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി KSU ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്ത...
20 Nov 2026