കണ്ണൂർ: പ്രതിപക്ഷ നേതാവിനെതിരെ താൻ ആരോപണങ്ങളുന്നയിച്ചത് പി ശശി ഡ്രാഫ്റ്റ് ചെയ്തുതന്നതാണെന്ന അൻവറിന്റെ പ്രസ്താവന പിൻവലിക്കണമെന്നാവശ്യപ്പെട്ട് പി ശശിയുടെ വക്കീൽ നോട്ടീസ്. പിവി അൻവറിൻറെ ആരോപണം അടിസ്ഥാനരഹിതമെന്നും പിൻവലിക്കണമെന്നും പി ശശിയുടെ വക്കീൽ നോട്ടീസ് പറയുന്നു. ശശി അൻവറിന് അയക്കുന്ന നാലാമത്തെ വക്കീൽ നോട്ടീസാണിത്. പി ശശിയുടെ പരാതിയിൽ മൂന്ന് കേസുകൾ നിലവിൽ അൻവറിനെതിരെ കണ്ണൂരിലെ കോടതികളിലുണ്ട്.
രാജി വച്ചതിനു ശേഷം തിങ്കളാഴ്ച വിളിച്ചുചേർത്ത വാർത്താ സമ്മേളനത്തിലാണ് പ്രതിപക്ഷ നേതാവ് വിഡി സതീശനെതിരെ ഉന്നയിച്ച ആരോപണം പി ശശി പറഞ്ഞിട്ടെന്ന് പറഞ്ഞ് യുഡിഎഫിന്റെ ഗുഡ് ബുക്കിൽ ഇടം നേടാനുള്ള ശ്രമം അൻവർ നടത്തിയത്. ഒപ്പം പ്രതിപക്ഷ നേതാവിനോട് മാപ്പ് ചോദിക്കുകയും ചെയ്തു. ഇടതുമുന്നണിയുമായി തെറ്റിപ്പിരിഞ്ഞ ശേഷം മുഖ്യമന്ത്രിക്കും പൊളിറ്റിക്കൽ സെക്രട്ടറി പി ശശിക്കും ഉന്നത പൊലീസ് ഉദ്യോഗസ്ഥർക്കുമെതിരെ ഗുരുതര ആരോപണങ്ങളാണ് പിവി അൻവർ ഉന്നയിച്ചിരുന്നത്.
അതെല്ലാം സിപിഎം നേതാക്കൾ തന്നെ പറഞ്ഞിട്ടാണെന്നാണ് അൻവർ പറഞ്ഞത്. ഒപ്പമുണ്ടാകുമെന്ന് ഉറപ്പ് നൽകിയവർ പിന്നീട് ഫോണെടുത്തില്ലെന്നും പേര് ഇപ്പോൾ പറയുന്നില്ലെന്നുമായിരുന്നു അൻവറിൻറെ ഭീഷണി. അതേസമയം, പ്രതിപക്ഷ നേതാവിനെതിരെ ആരോപണം എഴുതിക്കൊടുത്തു എന്നതടക്കം പിവി അൻവർ പറയുന്നതെല്ലാം പച്ചക്കള്ളമാണെന്നും നിയമനടപടി സ്വീകരിക്കുമെന്നും പി ശശി വ്യക്തമാക്കി.
ഇരുചക്രവാഹനം വാഗ്ദാനം ചെയ്ത് വീട്ടിൽ വിളിച്ചുവരുത്തി 15 കാരിയെ പീഡിപ്പിച്ചു, ഫോണിൽ അശ്ലീല സന്ദേശങ്ങളയച്ചു, ഭാര്യയ്ക്ക് ഇക്കാര്യം അറിയാം, ഭാര്യയുമായും പ്രതിക്ക് ബന്ധം, പോക്സോ കേസിൽ ബിജെപി നേതാവ് അറസ്റ്റിൽ
