സ്കൂൾ വിട്ട സമയം വിദ്യാർഥികൾക്ക് നേരെ പാഞ്ഞടുത്ത് കാട്ടാന; സമീപവാസികൾ ഒച്ചയിട്ടതോടെ കാട്ടിലേക്ക് കയറി

ഇ​ടു​ക്കി: പീ​രു​മേ​ട്ടി​ൽ സ്കൂൾ വിട്ട് ബ​സ്‌ കാ​ത്തു​നി​ന്ന സ്കൂ​ൾ വി​ദ്യാ​ർ​ഥി​ക​ൾ​ക്കു​നേ​രെ പാ​ഞ്ഞ​ടു​ത്ത് കാ​ട്ടാ​ന. മ​രി​യ​ഗി​രി സ്കൂ​ളി​ലെ വി​ദ്യാ​ർ​ഥി​ക​ൾ​ക്ക് നേ​രെ​യാ​ണ് കാ​ട്ടാ​ന ഓ​ടി​യ​ടു​ത്ത​ത്. സമീപത്തെ കാട്ടിൽ നിന്നും റോഡ് മുറിച്ച് കടന്ന് വിദ്യാർഥികൾ നിൽക്കുന്ന ഭാ​ഗത്തേക്ക് പാഞ്ഞടുക്കുകയായിരുന്നു.

ആനയെ കണ്ട് വി​ദ്യാ​ർ​ഥി​ക​ൾ ഓ​ടി​മാ​റി​യ​തോ​ടെ വ​ൻ അ​പ​ക​ടം ഒ​ഴി​വാ​യി. ബു​ധ​നാ​ഴ്ച വൈ​കു​നേ​ര​മാ​യി​രു​ന്നു സം​ഭ​വം. ഇ​രു​പ​തോ​ളം വി​ദ്യാ​ർ​ഥി​ക​ളാ​ണ് ബ​സ് സ്റ്റോ​പ്പി​ലു​ണ്ടാ​യി​രു​ന്ന​ത്. സ​മീ​പ​ത്തെ തോ​ട്ട​ത്തി​ൽ​നി​ന്ന് കാ​ട്ടാ​ന ഇ​വ​ർ​ക്കു​നേ​രെ ഓ​ടി അ​ടു​ക്കു​ക​യാ​ണു​ണ്ടാ​യ​ത്‌. ഈ സമയം തന്നെ നിരവധി വാഹനങ്ങളും റോ‍ഡിലൂടെ പാസ്ചെയ്ത് പോകുന്നുണ്ടായിരുന്നു.

കു​ട്ടി​ക​ളു​ടെ ശ​ബ്ദം കേ​ട്ട്‌ അ​ധ്യാ​പ​ക​രും നാ​ട്ടു​കാ​രും ഓ​ടി​യെ​ത്തി ബ​ഹ​ളം വ​ച്ച​തോ​ടെ ആ​ന അ​ടു​ത്തു​ള്ള യൂ​ക്കാ​ലി തോ​ട്ട​ത്തി​ലേ​ക്ക് പോ​യി.