ന്യൂഡല്‍ഹി: മള്‍ട്ടിപ്ലക്‌സുകളിലും സിനിമാ തിയേറ്ററുകളിലും നൂറു ശതമാനം സീറ്റിലും ആളെ കയറ്റാന്‍ അനുമതി. ഇതു സംബന്ധിച്ച മാര്‍ഗനിര്‍ദേശത്തില്‍ കേന്ദ്രസര്‍ക്കാര്‍ ഇളവു വരുത്തി.
ഡിജിറ്റല്‍ ടിക്കറ്റ് ബുക്കിംഗ്, നീണ്ട ഇടവേളകള്‍ തുടങ്ങിയ മാര്‍ഗനിര്‍ദേശങ്ങള്‍ പാലിച്ചാണ് മുഴുവന്‍ സീറ്റിലും ആളെ കയറ്റാന്‍ സിനിമാ ഹാളുകളെ അനുവദിക്കുന്നത്.
പാര്‍ക്കിംഗ് ഏരിയകളിലും പരിസരത്തും ജനക്കൂട്ടത്തെ നിയന്ത്രിക്കണം, ശാരീരിക അകലം പാലിക്കണം, ലിഫ്റ്റുകളില്‍ കയറുന്നവരുടെ എണ്ണം കുറയ്ക്കണം, പൊതുസ്ഥലങ്ങളിലും ലോബികളിലും വാഷ് റൂമുകളിലും ആള്‍ക്കൂട്ടം ഒഴിവാക്കണം തുടങ്ങിയ നിര്‍ദേശങ്ങള്‍ നടപ്പാക്കിവേണം സിനിമകള്‍ പ്രദര്‍ശിപ്പിക്കാന്‍. വിവിധ സ്‌ക്രീനുകളില്‍ ഒരേസമയം പ്രദര്‍ശനം ആരംഭിക്കാന്‍ പാടില്ലെന്നും നിര്‍ദേശിച്ചിട്ടുണ്ട്.
Leave a Comment