ലോക്ഡൗണിനിടെ ഓണ്‍ലൈന്‍ ക്ലാസിനായി അയല്‍വീട്ടിലെത്തിയ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ അറസ്റ്റ്. മണമ്പൂര്‍ നീറുവിള മാര്‍ക്കറ്റിനു സമീപം വിളയില്‍വീട്ടില്‍ രാജന്‍ എന്ന ഉദയകുമാര്‍(47)ആണ് പിടിയിലായത്. ജൂണ്‍ ഒന്നുമുതലാണ് സംഭവത്തിന്റെ തുടക്കം.
ഇയാള്‍ മുന്‍പും കുട്ടിയെ ഉപദ്രവിച്ചിട്ടുണ്ടെന്നാണ് വിവരം. പീഡനം ദിവസങ്ങളായി തുടര്‍ന്നതോടെ കുട്ടി വീട്ടിലറിയിക്കുകയും പൊലീസില്‍ പരാതി നല്‍കുകയും ചെയ്യുകയായിരുന്നു. തുടര്‍ന്ന് പ്രതി ഒളിവില്‍ പോവുകയും പല സ്ഥലങ്ങളിലായി മാറിമാറിക്കഴിയുകയും ചെയ്തു.
ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതിയെ പിടികൂടിയത്. പത്തനംതിട്ടയില്‍ പലയിടങ്ങളിലായി ഇയാള്‍ ഒളിവില്‍ കഴിയുന്നതിനിടെയാണ് പോലീസ് പിടിയിലായത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
കല്ലമ്പലം ഇന്‍സ്‌പെക്ടര്‍ ഫറോസ്, എസ്‌ഐ: വി.നിജാം, രാധാകൃഷ്ണന്‍, ഷാഡോ ടീം അംഗങ്ങളായ ഷിജു, അനൂപ് എന്നിവരുടെ നേതൃത്വത്തിലുള്ള സംഘമാണ് ദിവസങ്ങളായുള്ള അന്വേഷണത്തില്‍ പ്രതിയെ പിടികൂടിയത്.
FOLLOW US: pathram onine
Leave a Comment