ചെന്നൈ: ലോക്സഭാ തെരഞ്ഞെടുപ്പില്‍ ആര്‍ക്കും പിന്തുണ നല്‍കില്ലെന്ന് രജനികാന്ത്. തെരഞ്ഞെടുപ്പില്‍ മത്സരിക്കാനില്ലെന്നും താരം വ്യക്തമാക്കി. നിയമസഭാ തെരഞ്ഞെടുപ്പാണ് തന്റെ ലക്ഷ്യമെന്നും രജനികാന്ത് വ്യക്തമാക്കി. പ്രസ്താവനയിലൂടെയാണ് അദ്ദേഹം ഇക്കാര്യം വ്യക്തമാക്കിയതെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.
താനോ തന്റെ പാര്‍ട്ടിയോ 2019 ലെ ലോക്സഭാ തിരഞ്ഞെടുപ്പില്‍ മത്സരിക്കില്ല. തന്റെ ഫോട്ടോയോ പാര്‍ട്ടിയുടെ ചിഹ്നമോ പ്രചരണാര്‍ഥം ഉപയോഗിക്കരുതെന്നും രജനികാന്ത് വ്യക്തമാക്കിയിട്ടുണ്ട്.
2017 ഡിസംബര്‍ 31നാണ് രജനികാന്ത് തന്റെ രാഷ്ട്രീയപ്രവേശനം ഔദ്യോഗികമായി പ്രഖ്യാപിച്ചത്. എന്നാല്‍ പാര്‍ട്ടിയുടെ പേരോ ചിഹ്നമോ ഇതുവരെ പ്രഖ്യാപിച്ചിട്ടില്ല. 2021ലെ നിയമസഭാ തിരഞ്ഞെടുപ്പില്‍ തമിഴ്നാട്ടിലെ മുഴുവന്‍ സീറ്റുകളിലും മത്സരിക്കുമെന്ന് നേരത്തെ രജനി വ്യക്തമാക്കിയിരുന്നു.
Leave a Comment