ബെംഗളൂരു : മുന്‍ കോണ്‍ഗ്രസ് നേതാവും വിദേശക കാര്യമന്ത്രിയുമായിരുന്ന എസ് എം കൃഷ്ണ ബിജെപി വിട്ട് കോണ്‍ഗ്രസിലേക്ക് തിരിച്ചെത്തുന്നതായി റിപ്പോര്‍ട്ടുകള്‍. കര്‍ണാടക തിരഞ്ഞെടുപ്പിന് മുന്നോടിയായി അദ്ദേഹം പാര്‍ട്ടിയില്‍ ചേരുമെന്നാണ് സൂചന.
മുന്‍ കര്‍ണാട മുഖ്യമന്ത്രി കൂടിയായ എസ് എം കൃഷ്ണ ഒരു വര്‍ഷം മുമ്പാണ് കോണ്‍ഗ്രസ് വിട്ട് ബിജെപിയില്‍ ചേര്‍ന്നത്. എന്നാല്‍ ബിജെപിയില്‍ വേണ്ടത്ര പരിഗണന ലഭിക്കാത്തതിനാല്‍ അദ്ദേഹം നിരാശയിലായിരുന്നു. ഇപ്പോള്‍ കോണ്‍ഗ്രസില്‍ ചേരുന്നതില്‍ താത്പര്യം പ്രകടിപ്പിച്ചതായാണ് റിപ്പോര്‍ട്ടുകള്‍ പറയുന്നത്.
രാഹുല്‍ ഗാന്ധിക്കെതിരെ രൂക്ഷ വിമര്‍ശനം ഉന്നയിച്ചാണ് എസ് എം കൃഷ്ണ കഴിഞ്ഞ വര്‍ഷം കോണ്‍ഗ്രസ് വിട്ടത്. രാഹുല്‍ കോണ്‍ഗ്രസിലെ മുതിര്‍ന്ന നേതാക്കളെ ബഹുമാനിക്കില്ലെന്നായിരുന്നു പ്രധാന പരാതി. ബിജെപിയില്‍ ചേര്‍ന്നിരുന്നെങ്കിലും ചുരുക്കം പാര്‍ട്ടി പരിപാടികളില്‍ മാത്രമെ അദ്ദേഹം പങ്കെടുത്തിരുന്നുള്ളൂ.
Leave a Comment