ന്യൂഡല്‍ഹി: എട്ട് മാസം പ്രായമുള്ള കുഞ്ഞിനെ ബന്ധുവായ 28 കാരന്‍ പീഡനത്തിന് ഇരയാക്കി. വടക്കന്‍ ഡല്‍ഹിയിലെ ശുകാര്‍പുര്‍ ബസ്തി മേഖലയിലാണ് സംഭവം. കുട്ടിയെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു.
കൂലിത്തൊഴിലാളികളാണ് കുട്ടിയുടെ അച്ഛനും അമ്മയും. ഇരുവരും ജോലിക്കു പോയ സമയത്താണ് കുട്ടി പീഡനത്തിന് ഇരയായത്. ജോലി കഴിഞ്ഞ് തിരിച്ചെത്തിയപ്പോഴാണ് രക്തത്തില്‍ കുളിച്ച് അബോധാവസ്ഥയിലായ കുട്ടിയെ അമ്മ കാണുന്നത്. കുട്ടിയെ നോക്കാന്‍ ബന്ധുവായ സ്ത്രീയെ ഏല്‍പിച്ചു പോയതായിരുന്നു അമ്മ.
എന്നാല്‍ 28കാരന്‍ കുട്ടിയെ കളിപ്പിക്കുന്നത് കാരണം കുറച്ചു സമയം സ്ഥലത്ത് നിന്ന് മാറിയതായിരുന്നു എന്ന് അവര്‍ പറയുന്നു. ഞായറാഴ്ച്ചയാണ് ആശുപത്രിയില്‍ പ്രവേശിപ്പിച്ചത്. മെഡിക്കല്‍ പരിശോധനയില്‍ ബലാത്സംഗം നടന്നുവെന്ന് തെളിഞ്ഞിട്ടുണ്ട്.
സംഭവം നടന്നയുടന്‍ രക്ഷപ്പെട്ട പ്രതിയെ പൊലീസ് പിടികൂടി. പ്രതി കുറ്റം സമ്മതിച്ചതായി പൊലീസ് അറിയിച്ചു. യുവാവിനെതിരെ പോക്സോ പ്രകാരം കേസെടുത്തു. അക്രമത്തിനിരയായ കുട്ടിയുടെ അടുത്ത ബന്ധുവാണ് പ്രതിയെന്ന പോലീസ് പറഞ്ഞു. കുട്ടി താമസിക്കുന്ന അതേ കെട്ടിടത്തിലാണ് ഈ ബന്ധുവും താമസിക്കുന്നത്.
Leave a Comment