താരരാജാവ് മോഹന്‍ലാലിന്റെ മകന്‍ പ്രണവ് മോഹന്‍ലാല്‍ ആദ്യമായി നായകനായി എത്തുന്ന ‘ആദി’ ജനുവരി 26 ന് തിയേറ്റുകളില്‍ എത്തും. ഒരു തുടക്കകാരന് കിട്ടുന്നതില്‍ വച്ച് ഏറ്റവും വലിയ ഓപ്പണിങ് ആണ് പ്രണവിനായി ഒരുങ്ങുന്നത് എന്നാണ് റിപ്പോര്‍ട്ട്.
ജീത്തു ജോസഫ് സംവിധാനം ചെയ്യുന്ന ചിത്രത്തിന്റെ നിര്‍മാണവും വിതരണവും ആന്റണി പെരുമ്പാവൂരിന്റെ ആശിര്‍വാദ് സിനിമാസ്, മാക്‌സ് ലബാ് എന്നിവയ്ക്കാണ്. മാത്രമല്ല ചിത്രം 200ല്‍ പരം തിയറ്ററുകളിലായി എത്തുമെന്നാണ് റിപ്പോര്‍ട്ട്. ആദിയുടെ വരവിനായി കാത്തിരിക്കുകയാണ് ആരാധകര്‍. സിനിമയില്‍ നായകനാകുന്നതിനു മുമ്പു തന്നെ നിരവധി ആരാധകരുള്ള താരണാണ് പ്രണവ് മോഹന്‍ലാല്‍.
അനുശ്രീ, ഷറഫുദ്ദീന്‍, ലെന, അഥിതി രവി, സിജി വില്‍സണ്‍ തുടങ്ങിയവര്‍ പ്രധാന വേഷത്തിലെത്തുന്ന സിനിമായാണിത്. ബാലതാരമായിട്ടായിരുന്നു പ്രണവ് സിനിമയില്‍ വേഷമിട്ടിരുന്നത്. പിന്നീട് മുതിര്‍ന്നപ്പോള്‍ ജിത്തു ജോസഫിന്റെ സംവിധാന സഹായിയായി ചേര്‍ന്ന് പ്രവര്‍ത്തിച്ചു. കൂടാതെ ചിത്രത്തിലെ ആക്ഷന്‍ രംഗങ്ങള്‍ ഭംഗിയാക്കാന്‍ പ്രണവ് നേരത്തെ പാര്‍ക്കൗര്‍ പരിശീലനം നടത്തിയിരുന്നു. അക്രോബാറ്റിക് സ്വഭാവമുള്ള ശാരീരികാഭ്യാസമാണ് പാര്‍ക്കൗര്‍.
Leave a Comment