മലപ്പുറം: ഫർണിച്ചർ നിർമാണശാലയിലെ കട്ടർ ശരീരത്തിൽ തട്ടി ഇതര സംസ്ഥാന തൊഴിലാളിക്ക് ദാരുണാന്ത്യം. അപകടത്തിൽ ഉത്തർപ്രദേശ് സ്വദേശി സുബ്ഹാൻ അലി (22)യാണ് മരിച്ചത്.
മലപ്പുറം ആതവനാട്ടിലാണ് അപകടമുണ്ടായത്. ഫർണിച്ചർ നിർമാണത്തിനിടെ കട്ടർ യുവാവിൻ്റെ വയറിൽ തട്ടുകയായിരുന്നു. തുടർന്ന് ശരീരം രണ്ടായി മുറിഞ്ഞു. അപകടമുണ്ടായയുടനെ സ്ഥാപനത്തിലുണ്ടായിരുന്ന തൊഴിലാളികൾ ചേർന്ന് ആശുപത്രിയിൽ എത്തിച്ചെങ്കിലും മരിച്ചു. യുവാവിന്റെ വിവാഹം അടുത്ത മാസം നടക്കാനിരിക്കെയായിരുന്നു അപകടം.
