കൊല്ലം: മുൻ എംഎൽഎ മുകേഷിനെതിരെ പരാതിയുമായി യൂത്ത് കോൺഗ്രസ് രംഗത്ത്. തോറ്റിട്ടു എംഎൽഎ ഓഫീസിന്റെ ബോർഡ് മാറ്റത്തതിനെതിരെയാണ് പരാതി. കളക്ടർക്കും വെസ്റ്റ് എസ്എച്ച്ഒയ്ക്കുമാണ് . യൂത്ത് കോൺഗ്രസ് സംസ്ഥാന വൈസ് പ്രസിഡന്റ് വിഷ്ണു സുനിലാണ് പരാതി നൽകിയത്. കൂടാതെ ‘അന്തസ് വേണമെടോ അന്തസ്’ എന്ന് ഫേസ്ബുക്ക് കുറിപ്പിലൂടെ മുകേഷിനെ പരിഹസിക്കുകയും ചെയ്തു. മുൻ എംഎൽഎ ആയിട്ടും ഇന്നും ഹാങ്ങോവർ വിടാൻ തയ്യാറായിട്ടില്ലെന്നും കുറിപ്പിൽ പറയുന്നു.
കുറിപ്പ് ഇങ്ങനെ
കൊല്ലം നിയോജകമണ്ഡലം നിവാസികൾക്ക് അവർ വമ്പിച്ച ഭൂരിപക്ഷത്തിൽ വിജയിപ്പിച്ച ഒരു ഫുൾടൈം എംഎൽഎ ശ്രീമതി. ബിന്ദു കൃഷ്ണ Adv Bindhu Krishna ഉണ്ട്. മുൻ എം.എൽ.എ ആയിട്ടും ഇന്നും ഹാങ്ങോവർ വിടാൻ തയ്യാറാകാതെ എം.എൽ.എ എന്ന് എഴുതിയ ബോർഡ് മാറ്റാതെ മുൻ പാർടൈം എംഎൽഎ എം. മുകേഷ്;
അന്തസ്സ് വേണമടൊ, അന്തസ്സ്……
ബിഎൻഎസ് പ്രകാരം ശിക്ഷാർഹമായ കുറ്റമായതിനാൽ ബഹുമാനപ്പെട്ട കൊല്ലം ജില്ലാ കളക്ടർക്കും കൊല്ലം വെസ്റ്റ് SHO ക്കും പരാതി നൽകി.
വിഷ്ണു സുനിൽ NB: തീയതിയും സമയവും ഫോട്ടോയിൽ തന്നെയുണ്ട്’
