കണ്ണൂര്‍: പാപ്പിനിശ്ശേരിയില്‍ മാരകലഹരിവസ്തുക്കളുമായി യുവതിയും യുവാവും എക്സൈസ് സംഘത്തിന്റെ പിടിയില്‍.പാപ്പിനിശ്ശേരി എക്സൈസ് ഇൻസ്‌പെക്ടർ ഇ.വൈ. ജസീറലിയും സംഘവും പാപ്പിനിശ്ശേരിയുടെ വിവിധ ഭാഗങ്ങളിൽ നടത്തിയ റെയ്ഡിലാണ് കല്ല്യാശ്ശേരി പാറക്കടവ് കോലത്തുവയലിലെ ഷിൽന നിവാസിലെ എ. ഷിൽന (32), വി.വി. ഹരികൃഷ്ണൻ (23) എന്നിവർ പിടിയിലായത്.
ഷിൽനയിൽനിന്ന് 0.459 ഗ്രാമും ഹരികൃഷ്ണനിൽനിന്ന് 0.400 ഗ്രാമും മെത്താംഫിറ്റമിൻ പിടിച്ചെടുത്തു. ഇതേ കുറ്റത്തിന് ഷിൽന മുൻപും പിടിയിലായിട്ടുണ്ട്.
അസി. എക്സൈസ് ഇൻസ്‌പെക്ടർ ഗ്രേഡ് ജോർജ് ഫെർണാണ്ടസ്, പ്രിവന്റീവ് ഓഫീസർ ഗ്രേഡുമാരായ വി.പി. ശ്രീകുമാർ, കെ. പങ്കജാക്ഷൻ, രജിരാഗ്, വനിത സിവിൽ എക്സൈസ് ഓഫീസർമാരായ ജിഷ, ഷൈമ എന്നിവരും എക്സൈസ് സംഘത്തിലുണ്ടായിരുന്നു.
