തിരുവനന്തപുരം: പൂവച്ചലിൽ വോട്ടിങ് യന്ത്രത്തിൽ ക്രമക്കേടെന്ന് ആരോപണം. എൽഡിഎഫ് സ്ഥാനാർഥിക്കു വോട്ട് രേഖപ്പെടുത്തുന്ന സമയത്ത് ഗ്രീൻ ബട്ടൻ തെളിയുന്നത് ബിജെപിക്കാണെന്നാണ് പരാതി. പൂവച്ചൽ ഗ്രാമപഞ്ചാത്ത് പുതിയവിള വാർഡിലെ ഒന്നാം ബൂത്തിലാണ് പരാതി. 84 വോട്ട് രേഖപ്പെടുത്തിയതിന് ശേഷമാണ് പരാതി ഉയർന്നത്. തുടർന്ന് തുടർന്ന് ഒന്നരമണിക്കൂർ പോളിങ് തടസപ്പെട്ടു.
പിന്നീട് ഉദ്യോഗസ്ഥർ പുതിയ വോട്ടിംഗ് യന്ത്രം എത്തിച്ചാണ് വോട്ടിംഗ് പുനരാരംഭിച്ചത്. പൂവച്ചൽ ഗ്രാമപഞ്ചായത്ത് പ്രസിഡൻറ് സനൽകുമാർ മത്സരിക്കുന്ന വാർഡാണിത്. വിഷയത്തിൽ സംസ്ഥാന തെരഞ്ഞെടുപ്പ് കമ്മിഷന് പരാതി നൽകുമെന്ന് എൽഡിഎഫ് അറിയിച്ചു. അതുപോലെ നേരത്തെ വോട്ട് ചെയ്തവർക്ക് റീ പോളിങ് അവസരം നൽകണമെന്നും എൽഡിഎഫ് ആവശ്യപ്പെട്ടു.
