പാമ്പാടി: സിപിഐഎം നേതാവും സഹകരണ- ദേവസ്വം വകുപ്പ് മന്ത്രിയുമായ വി.എൻ. വാസവന്റെ സഹോദരന്റെ മകൾ കോട്ടയത്ത് കോൺഗ്രസ് സ്ഥാനാർഥി. വി.എൻ. വാസവന്റെ ജ്യേഷ്ഠൻ വി.എൻ. സോമന്റെ മകളായ സ്മിത ഉല്ലാസാണ് പാമ്പാടിയിൽ കോൺഗ്രസിനുവേണ്ടി മത്സരിക്കുന്നത്.
പാമ്പാടി പഞ്ചായത്ത് 17-ാം വാർഡിലാണ് സ്മിത മത്സരിക്കുക. അതേസമയം കഴിഞ്ഞ രണ്ട് വർഷത്തോളമായി സ്മിത കോൺഗ്രസ് പ്രവർത്തകയാണ്. പാമ്പാടി സർവീസ് സഹകണ ബാങ്കിലേക്ക് കോൺഗ്രസ് പാനലിൽ മത്സരിച്ചിരുന്നു. പിതാവ് കോൺഗ്രസ് അനുഭാവിയിരുന്നെന്ന് സ്മിത പറഞ്ഞു.
