ഡൽഹി: കേരള ഹൗസിലെ ഓണാഘോഷ പരിപാടിയിൽ സിപിഎം കേന്ദ്ര കമ്മിറ്റിയംഗം പി.കെ. ശ്രീമതിയെ വേദിയിലേക്ക് വിളിച്ചുവരുത്തി പ്രതിപക്ഷ നേതാവ് വി.ഡി. സതീശൻ. ഡൽഹിയിൽ സംഘടിപ്പിച്ച ഓണാഘോഷ പരിപാടിയിലായിരുന്നു വേറിട്ട കാഴ്ച.
ആഭ്യന്തരമന്ത്രി രമേശ് ചെന്നിത്തല, ഹാരിസ് ബീരാൻ എം.പി., വി. മുരളീധരൻ എം.എൽ.എ. ഉൾപ്പെടെയുള്ളവർ പരിപാടിയിൽ പങ്കെടുത്തു. പരിപാടി ഉദ്ഘാടനം ചെയ്ത് സംസാരിക്കുന്നതിനിടെയാണ് സദസ്സിൽ ഇരുന്ന പി.കെ. ശ്രീമതിയെ വി.ഡി. സതീശൻ ശ്രദ്ധിച്ചത്.
തുടർന്ന് ‘ടീച്ചർ കൂടി വാ, ഇവിടെ ഇരിക്കൂ’ എന്ന് പറഞ്ഞ് പി.കെ. ശ്രീമതിയെ വേദിയിലേക്ക് ക്ഷണിക്കുകയായിരുന്നു. ക്ഷണം സ്വീകരിച്ച് ശ്രീമതി വേദിയിലെത്തുകയും മറ്റ് നേതാക്കൾക്കൊപ്പം ഇരിക്കുകയും ചെയ്തു.
രാഷ്ട്രീയ ഭിന്നതകൾക്കപ്പുറം സൗഹൃദം പങ്കുവെച്ച നേതാക്കളുടെ ഈ ഇടപെടൽ ഓണാഘോഷ വേദിയിലെ ശ്രദ്ധേയ കാഴ്ചയായി.
