കൊച്ചി: ഓഹരി മേഖലയിൽ വിദഗ്ധ മാർഗനിർദേശം നൽകാൻ കേരളത്തിലെ രണ്ടു പ്രശസ്ത ധനകാര്യ ഉപദേഷ്ടാക്കൾ ഒരുമിക്കുന്നു. പത്ര-മാസികകളിലെ ധനകാര്യ പംക്തികളിലൂടെ സുപരിചിതനായ ഓഹരി നിക്ഷേപ വിദഗ്ധൻ ജയ്ദീപ് മേനോനും പ്രശസ്ത ബാങ്കറും മൂലധനവിപണി വിദഗ്ധനുമായ ഡോ. നീലകണ്ഠൻ പിള്ളയുമാണു വസുപ്രദയുടെ സ്ഥാപകർ. സെബിയിൽ രജിസ്റ്റർ ചെയ്ത നിക്ഷേപ ഉപദേശ (ആർഐഎ) സ്ഥാപനമായ വസുപ്രദ ഇൻവെസ്റ്റ്മെൻ്റ് അഡ്വൈസറി സർവീസസ് പ്രൈവറ്റ് ലിമിറ്റഡിലാണ് പ്രമുഖ ധനകാര്യ പ്രഫഷണലുകൾ.
കൊച്ചി ആസ്ഥാനമായ ഈ സ്ഥാപനം ഇന്ത്യയിലും വിദേശത്തും ഉള്ള നിക്ഷേപകർക്ക് സെബി നിഷ്കർഷിച്ചിട്ടുള്ള ഫീ അടിസ്ഥാനത്തിൽ ഓഹരി വിപണിയിൽ മികച്ച ദീർഘകാല നിക്ഷേപങ്ങൾക്ക് ഉപദേശം നൽകും. ഇടപാടുകാർ ഓരോരുത്തരുടെയും ആവശ്യത്തിന് ഉതകുന്ന നിക്ഷേപരീതി പരിചയപ്പെടുത്തുകയും സുതാര്യമായ ഉപദേശത്തിലൂടെ സമ്പാദ്യ വർധനയ്ക്കു സഹായിക്കുകയുമാണ് വസുപ്രദ ലക്ഷ്യമിടുന്നത്. ദശാബ്ദങ്ങൾ നീണ്ട അനുഭവസമ്പത്തും തത്ത്വാധിഷ്ഠിത സേവനങ്ങളും വഴി ഇരുവരും നിക്ഷേപ മേഖലയിൽ ഉള്ളവർക്കു സുപരിചിതരാണ്.
ജയദീപ് മേനോൻ സെക്യൂരിറ്റീസ് മാർക്കറ്റ്സ് പഠനത്തിൽ ബിരുദാനന്തര ബിരുദധാരിയാണ്. മൂഡീസ് അനലിറ്റിക്സിൻ്റെ സിഐഡബ്ള്യുഎം അടക്കം നിരവധി സർട്ടിഫിക്കറ്റ് കോഴ്സുകൾ പാസായിട്ടുണ്ട്. മുപ്പതിലേറെ വർഷമായി മൂലധനവിപണിയിൽ പ്രവർത്തിക്കുന്ന മേനോൻ്റെ അഗാധമായ വിശകലന ശേഷിയും അസാധാരണമായ ഉൾക്കാഴ്ചയും വസുപ്രദയ്ക്ക് മുതൽകൂട്ടാണ്.
ബാങ്കിംഗിൽ ദീർഘകാലം പ്രവർത്തിച്ചിട്ടുളള ഡോ. നീലകണ്ഠൻ പിള്ള, ഓപ്പറേഷണൽ എഫിഷ്യൻസി ആൻഡ് സർവീസ് ഡെലിവറിയിൽ പിഎച്ച്. ഡി. എടുത്തിട്ടുണ്ട്. ബാങ്കിംഗിൽ പുതിയ സ്കീമുകൾ അവതരിക്കാനും ബിസിനസ് കാര്യക്ഷമത ഉറപ്പാക്കാനും റെഗുലേറ്ററി സംവിധാനങ്ങൾ രൂപപ്പെടുത്താനും അദ്ദേഹത്തിനു കഴിഞ്ഞു. ഇടപാടുകാരുടെ ദീർഘകാല താൽപര്യം സംരക്ഷിക്കുന്നതിനു മുൻതൂക്കം നൽകിയാണു ഡോ. പിള്ള എന്നും പ്രവർത്തിച്ചിട്ടുള്ളത്.
ബിസിനസ് വളർച്ചയേക്കാൾ ഉപരി, ഇടപാടുകാരുടെ ധനകാര്യ ലക്ഷ്യങ്ങൾ മാത്രം മുൻനിർത്തുന്ന, സത്യസന്ധവും പക്ഷം പിടിക്കാത്തതും ഗവേഷണാധിഷ്ഠിതവും ആയ നിക്ഷേപ ഉപദേശത്തിന്റെ ആവശ്യം ഇവിടെയുണ്ട്. അതാണു വസുപ്രദ നൽകാൻ ഉദ്ദേശിക്കുന്നതെന്ന് സ്ഥാപകർ വ്യക്തമാക്കി.
സെബിയിൽ രജിസ്റ്റർ ചെയ്ത (INA 000020059) ആർഐഎ (രജിസ്റ്റേർഡ് ഇൻവെസ്റ്റ്മെൻ്റ് അഡ്വൈസർ) ആയ വസുപ്രദ കമ്മീഷനാേ മൂന്നാം കക്ഷികളിൽ നിന്നു പ്രതിഫലങ്ങളോ വാങ്ങുന്നില്ല. 100 ശതമാനവും ഇടപാടുകാരുടെ ധനകാര്യ ലക്ഷ്യങ്ങൾ മാത്രമാണ് പാലിക്കുക. അപായ സാധ്യതകൾ ചൂണ്ടിക്കാട്ടിയും ഓരോ കാലയളവിലും വരുന്ന മാറ്റങ്ങൾ മുൻകൂട്ടി വിശകലനം ചെയ്തും സെബി നിർദേശപ്രകാരം രേഖാമൂലമുളള കരാറുകൾ ഉണ്ടാക്കിയും ആണു വസുപ്രദ പ്രവർത്തിക്കുക.
ഇന്ത്യയിൽ ഇപ്പോൾ സെബിയിൽ രജിസ്റ്റർ ചെയ്ത 700-ൽ താഴെ ആർഐഎ കൾ മാത്രമേ ഉള്ളൂ. ചുരുക്കം പേർ മാത്രമുള്ള, സെബിയുടെ കർശനമായ നിയന്ത്രണത്തിലുള്ള ഇങ്ങനെയൊരു വിഭാഗത്തിലേക്കാണ് “ആദ്യം ഇടപാടുകാർ” എന്ന നിലപാടുമായി വസുപ്രദ വരുന്നത്. അക്കാദമിക മികവും സുതാര്യ പ്രവർത്തന ശൈലിയും വസുപ്രദയെ വ്യത്യസ്തമാക്കുന്നു. സത്യസന്ധമായ മാർഗനിർദേശവും സൂക്ഷ്മമായ ഉൾക്കാഴ്ചയും ദീർഘകാല സാമ്പത്തിക വളർച്ചയും നൽകി കേരളത്തിലും പുറത്തുമുള്ള ഇടപാടുകാരുടെ വിശ്വസ്ത സ്ഥാപനമായി വളരാനാണ് വസുപ്രദയുടെ ലക്ഷ്യം.
സെബിയിൽ രജിസ്റ്റർ ചെയ്ത (സെബി രജിസ്ട്രേഷൻ INA 000020059) രജിസ്റ്റേർഡ് ഇൻവെസ്റ്റ്മെന്റ് അഡ്വൈസേഴ്സ് ആണ് വസുപ്രദ അഡ്വൈസേഴ്സ്.
അന്വഷണങ്ങൾക്ക്: [email protected]
