ബെംഗളൂരു: കൊല്ലേഗൽ–കോഴിക്കോട് ദേശീയപാതയിൽ ബേഗൂരിൽ കാറും ലോറിയും കൂട്ടിയിടിച്ച് രണ്ട് വയനാട് സ്വദേശികൾക്ക് ദാരുണാന്ത്യം. 3 പേർക്ക് പരുക്ക്. കമ്പളക്കാട് മക്കിമല കരിഞ്ചേരി വീട്ടിൽ ബഷീർ (53), ബഷീറിന്റെ സഹോദരിയുടെ മകൻ മുഹമ്മദ് ഷാഫിയുടെ ഭാര്യ ജഷീറ (28) എന്നിവരാണ് മരിച്ചത്. പരുക്കേറ്റ മുഹമ്മദ് ഷാഫി (32), മകൻ ഏസം ഹനാൽ (3), ബഷീറിന്റെ ഭാര്യ നസീമ (42) എന്നിവരെ മൈസൂരു മണിപ്പാൽ ആശുപത്രിയിൽ പ്രവേശിപ്പിച്ചു.
ഇന്ന് രാവിലെ 10നാണ് അപകടം. അപകടത്തിൽ ബഷീറും ജഷീറയും തൽക്ഷണം മരിച്ചു. മൃതദേഹം ബേഗൂർ താലൂക്ക് ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം ഇന്ന് നാട്ടിലേക്ക് കൊണ്ടുപോകും. മലേഷ്യയിൽ ടൂറുകഴിഞ്ഞ് നാട്ടിലേക്ക് മടങ്ങാനായി ബെംഗളൂരു വിമാനത്താവളത്തിലിറങ്ങി നാട്ടിലേക്കു പോരുന്നതിനിടെയായിരുന്നു അപകടം.
