നാലുവയസുകാരിക്കു നേരെ അമ്മയുടെ കൊടുംക്രൂരത, സ്വകാര്യ ഭാഗത്ത് അടക്കം ചട്ടുകം ചൂടാക്കി പൊള്ളിച്ചു, തന്നെ അമ്മ നിരന്തരം ഉപദ്രവിക്കുമെന്ന് കുട്ടിയുടെ മൊഴി, കുട്ടിയെ ഉപദ്രവിക്കുന്നത് അറിയില്ലായിരുന്നെന്ന് പിതാവ്- അറസ്റ്റ്

കൊച്ചി: കൊച്ചിയിൽ നാല് വയസുകാരിയെ ചട്ടുകം ചൂടാക്കി പൊള്ളിച്ച് അമ്മയുടെ കൊടും ക്രൂരത. സംഭവത്തിൽ കാട്ടിത്തറ സ്വദേശിനിയായ അമ്മയെ മരട് പോലീസ് അറസ്റ്റ് ചെയ്തു. കുട്ടിയുടെ സ്വകാര്യ ഭാഗത്ത് അടക്കമാണ് പൊള്ളലേറ്റത്.

സ്‌കൂൾ അധികൃതർ നൽകിയ പരാതിയിലാണ് പോലീസ് കേസ് എടുത്തത്. അമ്മ സ്ഥിരമായി ഉപദ്രവിക്കാറുണ്ടെന്നു കുട്ടി മൊഴി നൽകിയതായി പോലീസ് വ്യക്തമാക്കി. സ്ഥിരമായി അമ്മ തന്നെ മർദിക്കുമായിരുന്നുവെന്നാണ് കുട്ടി അധ്യാപകരോട് പറഞ്ഞത്. അതേസമയം കുട്ടിയെ ഉപദ്രവിക്കുന്ന കാര്യം തനിക്ക് അറിയില്ലായിരുന്നെന്ന് പിതാവ് പറഞ്ഞു.