കണ്ണൂർ: തളിപ്പറമ്പ് നിയോജക മണ്ഡലം സ്വതന്ത്ര എംഎൽഎ ടി.കെ. ഗോവിന്ദന് ഫോണിലൂടെ വധഭീഷണി. ലഭിച്ച സംഭവത്തിൽ പൊലീസ് അന്വേഷണം ആരംഭിച്ചു. വെള്ളിയാഴ്ച വൈകിട്ട് ഒരു പൊതുപരിപാടിയിൽ പങ്കെടുക്കുന്നതിനിടെയായിരുന്നു എംഎൽഎയ്ക്ക് അജ്ഞാത നമ്പറിൽ നിന്ന് ഫോൺ കോൾ എത്തിയത്.
“ഈ യാത്ര അധികമുണ്ടാകില്ല, പണി ജയിലിൽ ഉള്ളവർ നോക്കും” എന്ന രീതിയിലുള്ള ഭീഷണിയാണ് വിളിച്ചയാൾ ഉയർത്തിയതെന്നാണ് പരാതി. കൂടാതെ ആഭ്യന്തര മന്ത്രിയെ കടുത്ത ഭാഷയിൽ അസഭ്യം പറഞ്ഞതായും പറയുന്നു. സംഭവത്തെ തുടർന്ന് ടി.കെ. ഗോവിന്ദൻ മയ്യിൽ പൊലീസിൽ പരാതി നൽകി.
പരാതിയുടെ അടിസ്ഥാനത്തിൽ ഫോൺ കോൾ വന്ന നമ്പർ ഉൾപ്പെടെ പരിശോധിച്ച് പൊലീസ് അന്വേഷണം തുടങ്ങി. സംഭവത്തിന്റെ ഗൗരവം കണക്കിലെടുത്ത് സൈബർ സെല്ലിന്റെ സഹായവും തേടിയിട്ടുണ്ട്.
