കൊച്ചി: എറണാകുളം മട്ടാഞ്ചേരിയിൽ ബാറിൽ വയോധികനെ ചുറ്റികയ്ക്ക് ആക്രമിച്ചു കൊലപ്പെടുത്താൻ ശ്രമിച്ച പ്രതി പിടിയിൽ. മട്ടാഞ്ചേരി സ്വദേശി ഷിബു ആണ് പോലീസ് പിടിയിലായത്. ഓപ്പറേഷൻ തൂഫാന് പിന്തുണ പ്രഖ്യാപിച്ച് കോൺഗ്രസ് നേതാവ് കെ. സുധാകരൻ എംപി കൊച്ചിയിൽ വിളിച്ചു ചേർത്ത യോഗത്തിൽ പങ്കെടുത്ത ഗുണ്ടകളിൽപ്പെട്ട ഒരാളാണ് ഷിബു.
അതേസമയം എറണാകുളം ഡിസിസി പൂർണമായി കെ. സുധാകരൻറെ നടപടിയെ തള്ളിക്കളഞ്ഞിരുന്നു. ഡിസിസിയുടെ അറിവോടെ അല്ല ഇത്തരം ഒരു പ്രവൃത്തി കെ. സുധാകരൻ നടത്തിയത് എന്നാണ് ഡിസിസി നേതാക്കൾ അടക്കം കഴിഞ്ഞ ദിവസം പറഞ്ഞത്. അതുപോലെ ഓപ്പറേഷൻ തൂഫാനുമായി ബന്ധപ്പെട്ട് യോഗം വിളിച്ചുചേർക്കേണ്ടത് ആഭ്യന്തര മന്ത്രിയാണെന്നും കെ സുധാകരനല്ലെന്നും രമശ് ചെന്നിത്തല പ്രതികരിച്ചു.
തിങ്കളാഴ്ചയാണ് മട്ടാഞ്ചേരിയിലെ ബാറിൽ സംഘർഷമുണ്ടായത്. പിന്നാലെ പ്രതി ചുറ്റിക കൊണ്ട് വയോധികനെ മർദിക്കുന്നതിൻറെ സിസിടിവി ദൃശ്യങ്ങൾ പുറത്തു വന്നിരുന്നു. പ്രതിയെ പോലീസ് റിമാൻഡ് ചെയ്തു.
Related Post
അതേസമയം, കഴിഞ്ഞ ദിവസമാണ് കൊച്ചിയിൽ ക്രിമിനൽ ലിസ്റ്റിൽ പെട്ടവരും ഗുണ്ടകളും അടക്കമുള്ളവരെ വിളിച്ചു ചേർത്ത യോഗം നടന്നത്. നിരവധി കേസുകളിൽ പ്രതിയായ മട്ടാഞ്ചേരി ഹാരിസ്, തോക്ക് കേസ് പ്രതി റിയാസ്, കൊടും ക്രിമിനൽ പുലി നസീർ, ബ്യൂട്ടിപാർലർ വെടിവെപ്പ് കേസിലെ മുഖ്യപ്രതി ബിലാൽ തുടങ്ങി നിരവധി കുപ്രസിദ്ധ ഗുണ്ടകളാണ് യോഗത്തിനെത്തിയത്.
