BREAKING NEWS

പാലിയേക്കര ടോൾ പ്ലാസയിൽ ഇരുവശങ്ങളിലും രണ്ട് കിലോമീറ്ററോളം ബ്ലോക്കിൽ കുരുങ്ങിയ വാഹനങ്ങളുടെ നീണ്ടനിര, അതിനിടെ സുരേഷ് ഗോപിയുടെ ‘മാസ് എൻട്രി’; ഉടൻ വന്നു പരിഹാരം, ടോൾബൂത്തുകൾ തുറന്നു നല്കി കേന്ദ്രസഹമന്ത്രി

· · 1 min read
Share: Copied!

തൃശൂർ: പാലിയേക്കര ടോൾ പ്ലാസയിലെ രൂക്ഷമായ ഗതാഗതക്കുരുക്കിനിടെ ഇടപെട്ട് കേന്ദ്രസഹമന്ത്രി സുരേഷ് ഗോപി. ടോൾപ്ലാസയിൽ കുടുങ്ങിയ മന്ത്രി കാറിൽനിന്നിറങ്ങി ടോൾബൂത്തുകൾ തുറന്ന് വാഹനങ്ങൾ കടത്തിവിട്ടു. ഞായറാഴ്ച വൈകീട്ട് 5.45ഓടെയായിരുന്നു സംഭവം.

തൃശൂരിൽനിന്ന് എറണാകുളം ഭാഗത്തേക്ക് കാറിൽ പോകുകയായിരുന്നു സുരേഷ് ഗോപി. വിയ്യൂർ സെൻട്രൽ ജയിലിൽ പുതിയ സിനിമയുടെ ചിത്രീകരണം പൂർത്തിയാക്കി മടങ്ങുന്നതിനിടെയാണ് പാലിയേക്കരയിൽ ഗതാഗതക്കുരുക്കിൽപ്പെട്ടത്.

ടോൾപ്ലാസയുടെ ഇരുവശങ്ങളിലുമായി രണ്ടുകിലോമീറ്ററിലേറെ വാഹനങ്ങളുടെ നീണ്ടനിരയായിരുന്നു. തുടർന്ന് എമർജൻസി ട്രാക്കിൽ കാർ നിർത്തിയ സുരേഷ് ഗോപി പേഴ്സണൽ സ്റ്റാഫിനും ഗൺമാനും ഒപ്പം പുറത്തിറങ്ങി ടോൾബൂത്തുകൾ തുറക്കുകയായിരുന്നു.

ഇരുവശങ്ങളിലുമുള്ള 12 ടോൾബൂത്തുകളും തുറന്ന് വാഹനങ്ങൾ കടത്തിവിട്ടു. ഏകദേശം പത്ത് മിനിറ്റോളം സുരേഷ് ഗോപിയും സംഘവും ഇതിന് നേതൃത്വം നൽകി. ഇതോടെ വാഹനങ്ങളുടെ നീക്കം വേഗത്തിലാക്കാൻ സാധിച്ചു.

കഴിഞ്ഞ ദിവസങ്ങളായി പാലിയേക്കര ടോൾപ്ലാസയിൽ രൂക്ഷമായ ഗതാഗതക്കുരുക്കാണ് അനുഭവപ്പെടുന്നത്. വാഹനയാത്രക്കാർ മണിക്കൂറുകളോളം കാത്തുകിടക്കേണ്ട സാഹചര്യമാണുള്ളത്. ആമ്പല്ലൂർ മുതൽ തലോർ വരെയുള്ള ദേശീയപാതയിലും പലപ്പോഴും വാഹനങ്ങളുടെ നീണ്ടനിര രൂപപ്പെടുന്നുണ്ട്.

ഗതാഗതക്കുരുക്ക് നിയന്ത്രിക്കുന്നതിൽ ടോൾപ്ലാസ അധികൃതരും പോലീസും വേണ്ടത്ര ഇടപെടുന്നില്ലെന്ന പരാതിയും യാത്രക്കാർക്കിടയിൽ ശക്തമാണ്. ഇതിനിടെയാണ് ടോൾബൂത്തുകൾ തുറന്ന് സുരേഷ് ഗോപി നേരിട്ട് വാഹനങ്ങൾ കടത്തിവിട്ടത്.

BREAKING NEWS
ട്രെയിനിൽ പോകുന്നതിനിടെ സ്ത്രീയും പുരുഷനും പാമ്പൻ പാലത്തിന് മുകളിൽ നിന്നു കടലിലേക്കു ചാടി ജീവനൊടുക്കാൻ ശ്രമം; ഒരാൾ മരിച്ചു!! സ്ത്രീ ​ഗുരുതര പരുക്കുകളോടെ ആശുപത്രിയിൽ, സംഭവം അടുത്തടുത്ത ദിവസങ്ങളിലായി
16 Nov 2026
BREAKING NEWS
'മോദിയെ വിമർശിച്ച് അധികാരം നേടാനാവില്ല; ഇന്ത്യയുടെ കുറ്റവും കുറവും ലോകം മുഴുവൻ പറഞ്ഞ് നടന്നിട്ടും കാര്യമില്ല; വിദേശയാത്ര നിർത്തി ഗ്രാമങ്ങളിലേക്ക് പോകൂ, അല്ലെങ്കിൽ അടുത്ത 30 വർഷത്തേക്ക് കോൺഗ്രസിന് ഊഴമില്ല': രാഹുൽ ഗാന്ധിയോട് അമിത് ഷാ
15 Nov 2026
BREAKING NEWS
പാലത്തിനുവേണ്ടി പിടിവലി; കോഴഞ്ചേരി പുതിയ പാലം നാടിന് സമർപ്പിച്ചു, ’ഞങ്ങൾ കൊണ്ടുവന്നത്, ക്രെഡിറ്റ് തട്ടിയെടുക്കുന്നു’; ഉദ്ഘാടനച്ചടങ്ങ് ബഹിഷ്കരിച്ച് എൽഡിഎഫ്; 'പാലത്തിന്റെ വാപ്പ ആരാണെന്ന് മനസ്സിലായി' എന്ന് പി.കെ. ബഷീർ
15 Nov 2026
BREAKING NEWS
കടം വീട്ടാൻ സ്വന്തം അവയവങ്ങൾ വിൽപനയ്ക്ക്; വൃക്കയും കരളും വൃഷണവും കോർണിയയും വിൽക്കാൻ ഇറാനിൽ പരസ്യപ്രളയം, സാമ്പത്തിക പ്രതിസന്ധി രൂക്ഷം
15 Nov 2026