തിരുവനന്തപുരം: സിനിമയിലേപ്പോലെ രാഷ്ട്രീയത്തിലും സുരേഷ് ഗോപിക്ക് ഒരു തിരക്കഥാകൃത്തിന്റെ ആവശ്യമുണ്ടെന്ന് ജോൺ ബ്രിട്ടാസ് എംപി. ബിജെപി സംസ്ഥാന നേതൃത്വമോ, രാജീവ് ചന്ദ്രശേഖരനോ അദ്ദേഹത്തിനൊരു തിരക്കഥാകൃത്തിനെ നൽകാൻ ശ്രമിക്കണമെന്നും ജോൺ ബ്രിട്ടാസ് പറഞ്ഞു. ജബൽപുരിൽ വൈദികർ ആക്രമിക്കപ്പെട്ട സംഭവവുമായി ബന്ധപ്പെട്ട് ചോദ്യം ഉന്നയിച്ചപ്പോൾ സുരേഷ് ഗോപി മാധ്യമങ്ങളോട് കയർത്ത സംഭവത്തിൽ പ്രതികരിക്കുകയായിരുന്നു ജോൺ ബ്രിട്ടാസ്.
അദ്ദേഹം ഒരു കേന്ദ്രസഹമന്ത്രിയാണെങ്കിലും സുരേഷ് ഗോപിയുടെ വാക്കുകൾ കാര്യമായെടുക്കരുതെന്നും ജോൺബ്രിട്ടാസ് മാധ്യമങ്ങളോട് പറഞ്ഞു. കാരണം അദ്ദേഹം പറയുന്നതിനെ അദ്ദേഹം പോലും കാര്യമായെടുക്കുന്നില്ല. അദ്ദേഹത്തിന്റെ പാർട്ടിപോലും കാര്യമായെടുക്കുന്നില്ല. സുരേഷ്‌ഗോപി ഏത് പാർട്ടിയിലാണെന്ന കാര്യം സുരേഷ്‌ഗോപിക്കറിയില്ല. ബിജെപിക്ക് പോലും അതിൽ സംശയമുണ്ട്. അങ്ങനെ ഒരു വ്യക്തി പറയുന്ന കാര്യത്തിന്റെ സൂക്ഷ്മ തലങ്ങൾ വിലയിരുത്തി അതിനെ തൂക്കിനോക്കുന്നതിൽ അർത്ഥമില്ല.’
‘കാലിക രാഷ്ട്രീയത്തേക്കുറിച്ച് ജനപ്രതിനിധികൾ സംസാരിക്കുമ്പോൾ അദ്ദേഹത്തിന് കുറേക്കൂടി സഭ്യമായി പ്രതികരിക്കാവുന്നതാണ്. പക്ഷെ അദ്ദേഹത്തെ ഞാൻ കുറ്റം പറയില്ല. കാരണം അദ്ദേഹം ദീർഘകാലം ഒരു തിരക്കഥാകൃത്തിന്റെ സഹായത്തിലാണ് വിരാജിച്ചത്. അദ്ദേഹത്തിന്റെ സിനിമാ നടനെന്ന പരിവേഷമാണ് അദ്ദേഹത്തിന് തിരഞ്ഞെടുപ്പിൽ വിജയിക്കാൻ തന്നെ സഹായകമായത്. സുരേഷ് ഗോപിക്ക് രാഷ്ട്രീയത്തിലും ഒരു തിരക്കഥാകൃത്തിനെ നൽകാൻ ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ ശ്രമിക്കണം. കുറേക്കൂടി യുക്തിഭദ്രമായി രാഷ്ട്രീയ ചോദ്യങ്ങളോട് എങ്ങനെ പ്രതികരിക്കണമെന്ന് മാധ്യമങ്ങൾക്കും അദ്ദേഹത്തിന് പറഞ്ഞുകൊടുക്കാവുന്നതാണ്.’
പാർലമെന്റിൽ യൂദാസ്, മുന്ന (എമ്പുരാനിലെ കഥാപാത്രം) എന്നൊക്കെ പരാമർശിച്ചത് സുരേഷ് ഗോപിയെയാണെന്ന് എവിടെയും പറഞ്ഞിട്ടില്ലെന്നും ബ്രിട്ടാസ് പറഞ്ഞു. മാത്രമല്ല രാഷ്ട്രീയ പ്രസംഗങ്ങളിൽ അത്തരം പ്രയോഗങ്ങളൊക്കെ സ്വാഭാവികമാണ്. അത് തന്നെയാണെന്ന് കരുതി സുരേഷ് ഗോപി ചാടിയിറങ്ങിയത് എന്തിനാണെന്നാണ് തന്നോട് മറ്റുള്ളവർ ചോദിക്കുന്നതെന്നും ജോൺ ബ്രിട്ടാസ് പറയുന്നു.
ഐബി ഉദ്യോഗസ്ഥയുടെ മരണം ;ഒരു വര്‍ഷത്തോളം പെണ്‍കുട്ടിയെ ലൈംഗികചൂഷണത്തിനിരയാക്കുകയും ഗര്‍ഭഛിദ്രം നടത്തുകയും ചെയ്തതിനുശേഷം വിവാഹത്തില്‍നിന്ന് സുകാന്ത് പിന്മാറി
‘ഓഫർ 6 മാസത്തെ പരിശീലനവും തുടർന്ന് അസി. മാനേജർ പോസ്റ്റും 35,000 ശമ്പളവും, ചെന്നുപെട്ടാലോ ആദ്യം ഫോൺ വാങ്ങി വയ്ക്കും!! 20 രൂപ വഴിച്ചെലവിന്, ബാക്കി പാത്രവും തേയിലപ്പൊടിയും വിറ്റുണ്ടാക്കണം, 30 പേർക്ക് ഒരു വീട്, രണ്ടാം ഘട്ടം ടാർഗറ്റ് തികഞ്ഞവരെ വച്ച് സഹപ്രവർത്തകരെ പീഡിപ്പിക്കും’
അതേസമയം കേരളത്തിൽ ഒരു സിനിമയും പ്രദർശിപ്പിക്കരുതെന്ന് താനോ, തന്റെ പാർട്ടിയോ പറഞ്ഞിട്ടില്ലെന്ന് പറഞ്ഞ ബ്രിട്ടാസ്, കേരള സ്റ്റോറി ഉൾപ്പടെ രാഷ്ട്രീയ പ്രൊപ്പഗണ്ടയുടെ ഭാഗമായി സെപ്റ്റിക് ടാങ്കിൽ ഇടേണ്ട ചില സിനിമകൾ കേരളത്തിൽ വന്നിട്ടുണ്ടെന്നുള്ളത് ശരിയാണെന്നും എന്നാൽ ആ സിനിമകളൊക്കെ ആവോളം ഇവിടെ പ്രദർശിപ്പിച്ചിട്ടും അത് കാണാൻ ആരുമെത്തിയില്ലെന്നും ബ്രിട്ടാസ് പറഞ്ഞു. വേണമെങ്കിൽ, ടിപി 51 എന്ന ചിത്രം ബിജെപിക്ക് സ്വാധീനമുള്ള ഏതെങ്കിലും ചാനലിൽ കാണിക്കട്ടെ. എന്തിനാണ് കൈരളിയോട് അത് ആവശ്യപ്പെടുന്നതെന്നും ബ്രിട്ടാസ് ചോദിച്ചു. കൂടാതെ സുരേഷ് ഗോപി എന്റെ ശത്രുവൊന്നുമല്ല മിത്രമാണെന്നും ബ്രിട്ടാസ് പ്രതികരിച്ചു. കഴിഞ്ഞ ദിവസം പാർലമെന്റിൽ നിന്നിറങ്ങിയപ്പോഴും ഊഷ്മളതയോടെയാണ് അദ്ദേഹം എന്നോട് സംസാരിച്ചത്. ഇപ്പോൾ ശത്രുവിനെ പോലെ സംസാരിക്കുന്നത് നടനകലയിലുള്ള അദ്ദേഹത്തിന്റെ വൈഭവമായിരിക്കാമെന്നും ബ്രിട്ടാസ് കൂട്ടിച്ചേർത്തു.
