BREAKING NEWS

ട്രെയിനുകൾ ഒരേസമയം പാഞ്ഞത് മുന്നിലും പിറകിലുമായി… സ്പെയിനിൽ ഒരേ ദിശയിൽ സഞ്ചരിച്ച രണ്ട് അതിവേഗ ട്രെയിനുകൾ കൂട്ടിയിടിച്ചു; 30 മരണം, നിരവധിപ്പേർക്ക് ​ഗുരുതര പരുക്ക്, മരണസംഖ്യ ഉയർന്നേക്കും

· · 1 min read
Share: Copied!

മാഡ്രിഡ്: സ്പെയിനിൽ ഒരേദിശയിൽ വന്ന രണ്ട് അതിവേഗ ട്രെയിനുകൾ കൂട്ടിയിടിച്ചുണ്ടായ അപകടത്തിൽ കുറഞ്ഞത് 30 പേർ മരിച്ചു. ബുധനാഴ്ച രാവിലെ രാജ്യത്തിന്റെ മധ്യഭാഗത്തുള്ള ടൊളീഡോ പ്രവിശ്യയിലെ ഉർദയ്ക്ക് സമീപമാണ് അപകടമുണ്ടായത്. നിരവധി യാത്രക്കാർക്ക് പരുക്കേറ്റതായാണ് റിപ്പോർട്ട്. പരുക്കേറ്റവരിൽ ചിലരുടെ നില ഗുരുതരമായതിനാൽ മരണസംഖ്യ ഇനിയും ഉയർന്നേക്കുമെന്നാണ് സൂചന.

അപകടത്തെത്തുടർന്ന് മാഡ്രിഡിൽനിന്ന് സിയുഡാഡ് റിയൽ, ആൻഡലൂഷ്യ തുടങ്ങിയ പ്രദേശങ്ങളിലേക്കുള്ള ട്രെയിൻ സർവീസുകൾ തടസപ്പെട്ടു. അപകടം സ്ഥിരീകരിച്ച സ്പെയിനിലെ റെയിൽവേ അടിസ്ഥാനസൗകര്യങ്ങളുടെ നടത്തിപ്പ് ചുമതലയുള്ള സ്ഥാപനമായ എഡിഐഎഫ് (ADIF), അപകടം ബാധിച്ച റൂട്ടുകളിലെ ട്രെയിൻ സർവീസുകൾ നിർത്തിവച്ചതായി അറിയിച്ചു.

സ്പെയിനിലെ പൊതുമാധ്യമമായ ടിവിഇയുടെ റിപ്പോർട്ട് പ്രകാരം ഒരേ ദിശയിൽ സഞ്ചരിച്ചിരുന്ന രണ്ട് അതിവേഗ ട്രെയിനുകളാണ് കൂട്ടിയിടിച്ചത്. പിന്നിലുണ്ടായിരുന്ന ട്രെയിൻ മുന്നിലുണ്ടായിരുന്ന ട്രെയിനിൽ ഇടിക്കുകയായിരുന്നു. ഇടിയുടെ ആഘാതത്തിൽ രണ്ട് കോച്ചുകൾ പാളം തെറ്റി.

അപകടത്തിൽപ്പെട്ടവരെ രക്ഷപ്പെടുത്തുന്നതിനും പരുക്കേറ്റവർക്ക് അടിയന്തര ചികിത്സ ലഭ്യമാക്കുന്നതിനുമായി രക്ഷാപ്രവർത്തനം തുടരുകയാണ്. ദുരന്തബാധിതരായ യാത്രക്കാരുടെ സുരക്ഷ ഉറപ്പാക്കാൻ വിവിധ സർക്കാർ വകുപ്പുകളും അടിയന്തര സേവന വിഭാഗങ്ങളും ഏകോപിപ്പിച്ചാണ് പ്രവർത്തിക്കുന്നതെന്ന് അധികൃതർ അറിയിച്ചു.

സംഭവത്തിൽ ഞെട്ടൽ രേഖപ്പെടുത്തി സ്പെയിൻ പ്രധാനമന്ത്രി പെഡ്രോ സാഞ്ചസ് രംഗത്തെത്തി. ഗുരുതരമായ ട്രെയിൻ അപകടമാണ് ഉണ്ടായതെന്ന് അദ്ദേഹം വിശേഷിപ്പിച്ചു. അപകടത്തിൽപ്പെട്ടവരെ സഹായിക്കാനും അവരുടെ സുരക്ഷ ഉറപ്പാക്കാനും അടിയന്തര സേവന വിഭാഗങ്ങൾ സ്ഥലത്ത് പ്രവർത്തിക്കുകയാണെന്ന് അദ്ദേഹം പറഞ്ഞു. ദുരന്തബാധിതർക്കും അവരുടെ കുടുംബങ്ങൾക്കും ഐക്യദാർഢ്യവും പിന്തുണയും അറിയിക്കുന്നതായും പ്രധാനമന്ത്രി വ്യക്തമാക്കി. അപകടത്തെക്കുറിച്ച് അറിഞ്ഞതിനു പിന്നാലെ കാസ്റ്റില്ല-ലാ മാഞ്ച മേഖലയുടെ പ്രസിഡന്റ് എമിലിയാനോ ഗാർസിയ-പേജ് അപകടസ്ഥലത്തേക്ക് തിരിച്ചതായി എക്സിലെ കുറിപ്പിലൂടെ അറിയിച്ചു.

റെയിൽവേ സുരക്ഷയിൽ വീണ്ടും ആശങ്ക

സ്പെയിനിലെ റെയിൽവേ ശൃംഖലയുടെ സുരക്ഷയെക്കുറിച്ച് ആശങ്കകൾ നിലനിൽക്കുന്നതിനിടെയാണ് പുതിയ അപകടം. ഈ വർഷം ജനുവരിയിൽ തെക്കൻ സ്പെയിനിലുണ്ടായ മറ്റൊരു ട്രെയിൻ ദുരന്തത്തിൽ 45 പേർ മരിച്ചിരുന്നു. അന്ന് ഒരു ട്രെയിൻ പാളം തെറ്റി എതിർദിശയിൽ വന്ന ട്രെയിനുമായി കൂട്ടിയിടിക്കുകയായിരുന്നു.

2013-ൽ 80 പേരുടെ മരണത്തിനിടയാക്കിയ ട്രെയിൻ അപകടത്തിനുശേഷം രാജ്യത്തുണ്ടായ ഏറ്റവും വലിയ റെയിൽ ദുരന്തമായിരുന്നു ജനുവരിയിലേത്. ആ അപകടം സ്പെയിനിലെ വിപുലമായ അതിവേഗ റെയിൽവേ ശൃംഖലയുടെ സുരക്ഷയെക്കുറിച്ച് വലിയ ചോദ്യങ്ങൾ ഉയർത്തിയിരുന്നു. ഇതിനുപിന്നാലെ വീണ്ടും രണ്ട് അതിവേഗ ട്രെയിനുകൾ കൂട്ടിയിടിച്ചുണ്ടായ അപകടം രാജ്യത്തെ റെയിൽവേ സുരക്ഷയെക്കുറിച്ചുള്ള ആശങ്കകൾ ശക്തമാക്കിയിരിക്കുകയാണ്. ബുധനാഴ്ചയുണ്ടായ അപകടത്തിന്റെ കൃത്യമായ കാരണം സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല.

അന്ന് കിഫ്ബിയുടെ കടമെടുപ്പ് കെഎൻ ബാലഗോപാൽ എതിർത്തത് കോർപ്പറേറ്റ് വത്കരണത്തിന്റെ ഭാഗമാണോ? ചീഫ് സെക്രട്ടറിയേക്കാൾ ഉയർന്ന ശമ്പളത്തിൽ വിരമിച്ച ആളുകളെയും ഇഷ്ടക്കാരെയും കിഫ്ബിയിൽ കുത്തി നിറച്ചു, ടെൻഡറില്ലാതെ 5,900 കോടിയുടെ പ്രവൃത്തികൾ നൽകിയതിലൂടെ ഖജനാവിൽനിന്ന് വൻ ചോർച്ചയുണ്ടായി… കിഫ്ബി ഇനി സർക്കാരിന്റെ നിയന്ത്രണത്തിലായിരിക്കും പ്രവർത്തിക്കുക – മുഖ്യമന്ത്രി

BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026
BREAKING NEWS
'ചുണ്ടിൽ ഒരു ഉമ്മ തരൂ, പ്ലീസ്, ഒരു ഉമ്മ തരൂ'; പിന്നെ ഫോട്ടോയെടുക്കണമെന്ന ആവശ്യം, തീർന്നില്ല; ഷേക്ക് ഹാൻഡിനായി കൈ നീട്ടി; വിദേശ വനിതയെ ശല്യം ചെയ്ത യുവാവ് അറസ്റ്റിൽ; വീഡിയോ പങ്കുവച്ച് യുവതി
17 Nov 2026