BREAKING NEWS

’രാജീവ് പ്രധാനമന്ത്രിയാകുന്നതിൽ എനിക്ക് പൂർണ്ണ എതിർപ്പായിരുന്നു’; രാജീവ് ഗാന്ധിയുടെ രാഷ്ട്രീയ പ്രവേശം മുതൽ 2004ലെ തീരുമാനം വരെ; സോണിയയുടെ ആത്മകഥ ചർച്ചയാകുന്നു

· · 1 min read
Share: Copied!

ന്യൂഡൽഹി: രാജീവ് ഗാന്ധി പ്രധാനമന്ത്രിയാകുന്നതിനോട് തനിക്ക് പൂർണമായും എതിർപ്പായിരുന്നുവെന്ന് കോൺഗ്രസ് പാർലമെന്ററി പാർട്ടി അധ്യക്ഷ സോണിയ ഗാന്ധി. ഉടൻ പുറത്തിറങ്ങാനിരിക്കുന്ന ആത്മകഥയായ ‘ബിലോങിങ്: എ ജേണി ഓഫ് ലവ്’ (Belonging: A Journey of Love) ൽ സ്വന്തം ജീവിതാനുഭവങ്ങളും നിരീക്ഷണങ്ങളുമാണ് പങ്കുവെച്ചിരിക്കുന്നതെന്നും പുസ്തകം വലിയ ചർച്ചകൾക്ക് വഴിവെച്ചേക്കാമെന്നും സമൂഹമാധ്യമങ്ങളിൽ പങ്കുവെച്ച വീഡിയോയിൽ അവർ പറഞ്ഞു.

താൻ നേരിട്ടറിഞ്ഞ സംഭവങ്ങൾ അതേപടി രേഖപ്പെടുത്താനുള്ള അവസരമാണ് പുസ്തകം നൽകിയതെന്ന് സോണിയ വ്യക്തമാക്കി. പുസ്തകം വായിക്കുന്നതോടെ ചിലരുടെ കാഴ്ചപ്പാട് തനിക്കെതിരെ മാറിയേക്കാമെന്നും ചിലർക്ക് നിലവിലുള്ള അഭിപ്രായം കൂടുതൽ മോശമാകാമെന്നും അവർ പറഞ്ഞു. പൊതുജീവിതത്തിൽ സജീവമായ ഒരാൾ പുസ്തകം എഴുതുമ്പോൾ വിവാദങ്ങളും ചർച്ചകളും സ്വാഭാവികമാണെന്നും സോണിയ കൂട്ടിച്ചേർത്തു.

ഇറ്റലിയിലെ കുട്ടിക്കാലം മുതൽ ഇന്ത്യൻ രാഷ്ട്രീയത്തിന്റെ കേന്ദ്രത്തിലേക്കുള്ള യാത്ര വരെയാണ് ആത്മകഥയിൽ പ്രതിപാദിക്കുന്നത്. നെഹ്റു-ഗാന്ധി കുടുംബത്തിലെ നിർണായക സംഭവങ്ങളും രാജീവ് ഗാന്ധിയുടെ രാഷ്ട്രീയ പ്രവേശവും കുടുംബത്തെ ബാധിച്ച ദുരന്തങ്ങളും പുസ്തകത്തിൽ ഇടംപിടിക്കുന്നുണ്ട്.

2004-ലെ പൊതുതിരഞ്ഞെടുപ്പിൽ കോൺഗ്രസ് നേതൃത്വത്തിലുള്ള സഖ്യം വിജയിച്ചതിനു പിന്നാലെ പ്രധാനമന്ത്രി പദം ഏറ്റെടുക്കേണ്ടെന്ന സോണിയയുടെ തീരുമാനവും പുസ്തകത്തിലെ പ്രധാന ഭാഗങ്ങളിലൊന്നായിരിക്കുമെന്നാണ് പ്രതീക്ഷ. ആത്മകഥ പുറത്തിറങ്ങുന്നതോടെ നെഹ്റു-ഗാന്ധി കുടുംബത്തിന്റെ രാഷ്ട്രീയ ജീവിതവുമായി ബന്ധപ്പെട്ട പല സംഭവങ്ങളും വീണ്ടും ചർച്ചയാകാൻ സാധ്യതയുണ്ട്. നവംബർ 10നാണ് പുസ്തകം പ്രസിദ്ധീകരിക്കുന്നത്.

BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026
BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026