BREAKING NEWS

ആറാം ഭാര്യ പിണങ്ങിപ്പോയി, കൃഷിഭൂമി വിറ്റ് ഏഴാം വിവാഹത്തിനൊരുങ്ങി 55കാരന്‍, പിതാവിന്റെ വിവാഹം തടയണമെന്നാവശ്യപ്പെട്ട് പരാതിയുമായി മൂന്നാം ഭാര്യയിലെ മകന്‍ , വയോധികന് കൗണ്‍സിലിങ് നല്‍കാനൊരുങ്ങി അധികൃതര്‍

· · 1 min read
Share: Copied!

അസംഗര്‍ഹ്: പിതാവിന്റെ ഏഴാം വിവാഹം തടയണമെന്ന് ആവശ്യപ്പെട്ട് പരാതിയുമായി  മകന്‍. ഉത്തര്‍പ്രദേശിലെ അസംഗര്‍ഹ് ജില്ലയിലെ അത്രാലിയ പൊലീസ് സ്റ്റേഷന്‍ പരിധിയിലാണ് സംഭവം.

55കാരനായ പിതാവിന്റെ വിവാഹം തടയണമെന്നാണ് മൂന്നാം ഭാര്യയിലെ മകന്‍ പോലിസില്‍ പരാതി നല്‍കിയത്. മുന്‍പ് ആറു വിവാഹം കഴിച്ച പിതാവ് കുടുംബത്തിന്റെ പക്കലുള്ള ബാക്കി ഭൂമി കൂടി വിറ്റ് വിവാഹം നടത്താനാണ് പിതാവിന്റെ നീക്കമെന്നും മകന്‍ ആരോപിച്ചു. ഇതുവരെ ആറ് വിവാഹങ്ങള്‍ കഴിച്ച പിതാവ്, ഏറ്റവും ഒടുവില്‍ വിവാഹിതനായത് 2024ലാണെന്ന് പരാതിയില്‍ പറയുന്നു. ആറാം ഭാര്യ ഏതാനും ദിവസങ്ങള്‍ മാത്രം കൂടെ താമസിച്ച ശേഷം വസ്തുവകകള്‍ സ്വന്തം പേരിലാക്കാന്‍ സമ്മര്‍ദം ചെലുത്തി.

എന്നാല്‍ പിതാവ് സമ്മതിക്കാതായതോടെ സ്വര്‍ണാഭരണങ്ങളുമായി അവര്‍ മടങ്ങിപ്പോവുകയുമായിരുന്നു. അതിനുശേഷമാണ് പിതാവ് ഏഴാം വിവാഹത്തിന് പെണ്ണിനെ തേടിയത്. പെണ്ണുറച്ച് വിവാഹത്തിനു തയ്യാറെടുപ്പുകള്‍ തുടങ്ങിയതോടെയാണ് വീട്ടുകാര്‍ കാര്യം അറിയുന്നത്. വിവാഹം കഴിക്കുന്നതിനായി കുടുംബത്തിന്റെ ഏക ഉപജീവനമാര്‍ഗമായ കൃഷിഭൂമി വില്‍ക്കാനാണ് തീരുമാനം. ഇതിനായി പിതാവ് മുന്‍കൂറായി 50,000 രൂപ കൈപ്പറ്റിയതായും മകന്‍ പരാതിയില്‍ ചൂണ്ടിക്കാട്ടുന്നു.

വീടുവിട്ട് പുറത്തുപോയി ജോലി ചെയ്ത് പഠിക്കാന്‍ പിതാവ് തന്നെ നിര്‍ബന്ധിക്കാറുണ്ടെന്നും, പരീക്ഷ എഴുതാന്‍ നാട്ടിലെത്തിയപ്പോഴാണ് വിവാഹനീക്കം അറിഞ്ഞതെന്നും വിദ്യാര്‍ഥി പറഞ്ഞു. ഉന്നയിക്കപ്പെട്ട ആരോപണങ്ങളില്‍ കൃത്യമായ അന്വേഷണം നടത്തും. വസ്തുതകള്‍ പരിശോധിച്ച ശേഷം പിതാവിനെ കൗണ്‍സിലിങ്ങിന് വിധേയനാക്കാനാണ് തീരുമാനമെന്ന് അത്രാലിയ സ്റ്റേഷന്‍ എസ്.എച്ച്.ഒ അമിത് കുമാര്‍ മിശ്ര അറിയിച്ചു.

BREAKING NEWS
വലവിരിച്ചിരുന്ന് പൊലീസ്, ഒടുവിൽ യൂട്യൂബർ നിഷാന്തിനെ പിടുത്തം കിട്ടി; സേലത്തേക്ക് ബസിൽ യാത്ര ചെയ്യുന്നതിനിടെ അറസ്റ്റ്; കവർച്ച നടത്തിയത് കാമുകിക്ക് വേണ്ടി; വസ്ത്രങ്ങൾ കത്തിച്ചു കളഞ്ഞ് തെളിവുനശിപ്പിക്കാൻ സഹായിച്ചത് അച്ഛൻ
16 Nov 2026
BREAKING NEWS
ക്ഷേത്രദർശനത്തിന് കൊണ്ടുപോകാമെന്ന് പറഞ്ഞ് മുറിയിലേക്ക് വിളിച്ചുവരുത്തി, പിന്നാലെ പീഡനം, ഭയന്ന് വിറച്ച് പൊലീസ് സ്റ്റേഷനില്‍ അഭയം തേടി 14കാരന്‍, 52കാരനെതിരെ പോക്സോ കേസ്
16 Nov 2026
BREAKING NEWS
രക്തത്തിൽ കുളിച്ച നിലയിൽ ഇൻഡിഗോ ജീവനക്കാരിയുടെ മൃതദേഹം, മുഖംമൂടി സംഘം തങ്ങളെ ആക്രമിച്ചെന്ന് ആണ്‍സുഹൃത്ത്, യുവാവിനെ കസ്റ്റഡിയിലെടുത്തു
16 Nov 2026
BREAKING NEWS
യമുനയിൽ വെളുത്ത പത, അതിനിടയിൽ ഛഠ് പൂജ; ഡൽഹിയിൽ ബിജെപി-ആം ആദ്മി പോര്; ൻ ഭരണകാലത്ത് ഛഠ് പൂജയ്ക്ക് വിലക്കേർപ്പെടുത്തിയവർ ഇപ്പോൾ വിഷയത്തിൽ രാഷ്ട്രീയം കളിക്കുകയാണെന്ന് ബിജെപി
16 Nov 2026