ആഭ്യന്തരമന്ത്രി രമേശ് ചെന്നിത്തല, എംഎൽഎമാർ തുടങ്ങി ഇപ്പോൾ സാമൂഹികമാധ്യമങ്ങളിൽ ചർച്ച 80’s ട്രെൻഡ് ആണ്. 80-കളിലായിരുന്നു ജീവിച്ചിരുന്നെങ്കിൽ കാണാൻ എങ്ങനെയിരിക്കുമെന്ന് ചാറ്റ് ജിപിടിയുടെ സഹായത്തോടെ പുനർസൃഷ്ടിക്കുകയാണ് സോഷ്യൽ മീഡിയ ഉപയോക്താക്കൾ ഇപ്പോൾ. നിർദിഷ്ട പ്രോംപ്റ്റ് നൽകിയാണ് ആളുകൾ ഇത്തരം ചിത്രങ്ങൾ ഉണ്ടാക്കുന്നത്.
എന്നാൽ സാമൂഹികമാധ്യമങ്ങളിലെ വൈറലായി ഓടിക്കൊണ്ടിരിക്കുന്ന ഈ റെട്രോ ട്രെൻഡിനിടയിൽ ഒറിജിനൽ ലുക്കുമായി എത്തിയിരിക്കുകയാണ് മന്ത്രി ഷിബു ബേബി ജോൺ. മലയാളത്തിന്റെ സൂപ്പർതാരം മോഹൻലാലിനൊപ്പമുള്ള ചിത്രമാണ് മന്ത്രി സാമൂഹികമാധ്യമങ്ങളിൽ പങ്കുവെച്ചത്. ഒറ്റനോട്ടത്തിൽ സാമൂഹികമാധ്യമങ്ങളിലെ 80’s ട്രെൻഡ് മന്ത്രിയും ഒന്ന് പരീക്ഷിച്ചതാണെന്ന് തോന്നിയേക്കാം. എന്നാൽ, ഇത് 80’s എല്ല, 90’s ലെ റിയൽ ചിത്രമാണെന്നാണ് മന്ത്രി ക്യാപ്ഷനിൽ പറയുന്നത്.
‘ട്രെൻഡിനൊപ്പം നീങ്ങാൻ ഞങ്ങൾക്ക് എ.ഐയുടെ പുറകേ പോവേണ്ട കാര്യമില്ല. ഞാനും ലാലുമൊക്കെ അന്നേ ട്രെൻഡിയാ. ഇതാ ഒരു റിയൽ 90’s ട്രെൻഡ്’ എന്നാണ് മന്ത്രി കുറിച്ചിരിക്കുന്നത്. മോഹൻലാലിനെ മെൻഷൻ ചെയ്താണ് പോസ്റ്റിട്ടിരിക്കുന്നത്.
ഫോട്ടോയിൽ വെള്ള പാന്റും പ്രിന്റഡ് ഷർട്ടും കൂളിങ് ഗ്ലാസും ധരിച്ച ഷിബു ബേബി ജോണും ഇടത്തോട്ട് ചരിഞ്ഞുനിൽക്കുന്ന അദ്ദേഹത്തിന്റെ തോളിൽ കൈവെച്ച് മോഹൻലാൽ നിൽക്കുന്നതും കാണാം. നീല സ്‌ട്രൈപ്പ് ഷർട്ടും നീല/ കറുപ്പ് പാന്റ്‌സുമാണ് അദ്ദേഹത്തിന്റെ വേഷം. കൂളിങ് ഗ്ലാസ് ധരിച്ചുനിൽക്കുന്ന മോഹൻലാൽ ഷിബു ബേബി ജോണിന്റെ മുഖത്തേക്ക് നോക്കിനിൽക്കുന്ന രീതിയിലാണ് ഫോട്ടോയ്ക്ക് പോസ് ചെയ്യുന്നത്.
അതേസമയം മോഹൻലാലും ഷിബു ബേബി ജോണും ദീർഘകാലമായി സുഹൃത്തുക്കളാണ്. വ്യവസായി കൂടിയായ ഷിബു ബേബി ജോൺ ആദ്യമായി നിർമിച്ച ‘മലൈക്കോട്ടൈ വാലിബനി’ൽ മോഹൻലാൽ ആയിരുന്നു നായകൻ. ഷിബു ബേബി ജോൺ സ്ഥാപിച്ച ജോൺ ആൻഡ് മേരി ക്രിയേറ്റീവ് നിർമിക്കുന്ന അടുത്ത ചിത്രം ‘നെടുങ്കണ്ടം മിറാക്കിൾ’ ആണ്. ദിലീഷ് പോത്തൻ സംവിധാനം ചെയ്യുന്ന ചിത്രം നിർമിക്കുന്നത് മകൻ അച്ചു ബേബി ജോൺ ആണ്.
