തിരുവനന്തപുരം: നിലമേലിന് സമീപം വട്ടപ്പാറ വേയ്ക്കൽ റോഡിൽ സ്കൂൾ ബസ് മറിഞ്ഞ് അപകടം. ബസിൽ 22 വിദ്യാർഥികൾ ഉണ്ടായിരുന്നുവെന്നാണ് പ്രാഥമിക വിവരം. നിരവധി കുട്ടികൾക്ക് പരുക്കേറ്റുവെന്നാണ് അറിയുന്നത്. കിളിമാനൂർ പാപ്പാല വിദ്യാ ജ്യോതി ഇംഗ്ലീഷ് മീഡിയം സ്കൂളിൻ്റെ ബസാണ് അപകടത്തിൽപ്പെട്ടത്.
എതിർ ദിശയിൽ വന്ന വാഹനത്തിന് സൈഡ് കൊടുക്കാൻ നിർത്തിയ ബസ് പുറകിലേക്ക് നീങ്ങി മറിയുകയായിരുന്നു. 2കുട്ടികളെ കടയ്ക്കൽ താലൂക്ക് ആശുപത്രിയിലും പാരിപ്പള്ളി മെഡിക്കൽ കോളേജിലും പ്രവേശിപ്പിച്ചു. ആരുടേയും പരുക്കുകൾ ഗുരുതരമല്ലെന്നാണ് വിവരം. ഇന്നു ഉച്ചയോടെയായിരുന്നു സംഭവം.
