പാലക്കാട്: പരുതൂർ കുളമുക്കിൽ വെളിച്ചപ്പാട് തുള്ളുന്നതിനിടെ കാഞ്ഞിരക്കായ കഴിച്ച യുവാവിനു ദാരുണാന്ത്യം. കുളമുക്കു സ്വദേശി ഷൈജു (43) ആണു മരിച്ചത്. കുടുംബാംഗങ്ങൾ ചേർന്നു വർഷം തോറും നടത്താറുള്ള ആട്ടം ചടങ്ങിനിടെയാണു ഷൈജു കാഞ്ഞിരക്കായ കഴിച്ചത്. കായ കഴിച്ചു ദേഹാസ്വാസ്ഥ്യം അനുഭവപ്പെട്ട ഉടനെ ഷൈജുവിനെ പട്ടാമ്പിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
100 വർഷത്തിലധികം പഴക്കമുള്ള ആചാരമാണിത്. ആചാരത്തിന്റെയും വിശ്വാസത്തിന്റെയും ഭാഗമായ ചടങ്ങിനിടെ തുടർച്ചയായി മൂന്നു കായ കഴിച്ചതോടെയാണു ഷൈജുവിനു ശാരീരിക ബുദ്ധിമുട്ട് അനുഭവപ്പെട്ടത്. ബുധനാഴ്ചയായിരുന്നു സംഭവം. ഞാങ്ങാട്ടിരിയിൽ പതിനഞ്ചോളം കുടുംബങ്ങളിൽപ്പെട്ട അഞ്ഞൂറോളം പേർ പങ്കെടുക്കുന്ന ചടങ്ങാണ് ആട്ടം. ചടങ്ങിൽ ഹനുമാനെ ആവാഹിച്ചു വെളിച്ചപ്പാട് തുള്ളിയത് ഷൈജുവായിരുന്നു.
ട്രംപിന്റെ തീരുമാനം ആരുടെയൊക്കെ ജീവനെടുക്കും?… ജന്മാവകാശപൗരത്വം റദ്ദാക്കാനുള്ള തീരുമാനം- സമയപരിധി അടുത്തമാസം 20 വരെ, സിസേറിയനായി മറ്റേണിറ്റി ക്ലിനിക്കിലെത്തുന്നവരുടെ എണ്ണം കൂടുന്നു… മാർച്ചിൽ പ്രസവ ഡേറ്റ് ഉള്ളവർ പോലും ഇതേ അവശ്യവുമായി ഡോക്ടർമാരുടെ അടുത്തേക്ക്…
ചടങ്ങിൽ വെളിച്ചപ്പാടിനു ഫലമൂലാദികളും മറ്റും നൽകുന്ന പതിവുണ്ട്. ആചാരത്തിന്റെ ഭാഗമായി കാഞ്ഞിരക്കായയും ഇക്കൂട്ടത്തിൽ വയ്ക്കാറുണ്ട്. സാധാരണ വെളിച്ചപ്പാട് തുള്ളുന്നവർ ഇതു കടിച്ചശേഷം തുപ്പിക്കളയുകയാണു പതിവ്. എന്നാൽ ഷൈജു മൂന്ന് കാഞ്ഞിരക്കായകൾ കഴിച്ചു എന്നാണു കൂടെയുണ്ടായിരുന്നവർ പറയുന്നത്. കടിച്ചശേഷം തുപ്പിക്കളഞ്ഞുവെന്നു കരുതിയെന്നും ഇവർ പറയുന്നു. സിനിഷയാണ് ഷൈജുവിന്റെ ഭാര്യ. എട്ടുവയസുകാരൻ അനയ് മകനാണ്.
