BREAKING NEWS

ശത്രുക്കളോ? അതങ്ങ് ബം​ഗാളിൽ ഇങ്ങ് കേരളത്തിൽ ഞങ്ങൾ ദോസ്തുക്കൾ!! അൻവറിന്റെ യുഡിഎഫ് മോഹത്തിന് ഹൈക്കമാൻഡിന്റെ ​ഗ്രീൻ സി​ഗ്നൽ, മതേതര പാർട്ടികളെ ചേർത്ത് നിർത്തുന്നതിൽ തെറ്റില്ലെന്നു വിലയിരുത്തൽ

· · 1 min read
Share: Copied!

തിരുവനന്തപുരം: പിവി അൻവറിന്റെ യുഡിഎഫ് പ്രവേശനത്തിന് കോൺഗ്രസ് ഹൈക്കമാൻഡിൻ്റെ ​ഗ്രീൻ സി​ഗ്നൽ. മുൻപ് അൻവർ തൃണമൂലിലായതിനാൽ കോൺ​ഗ്രസിനൊപ്പം ചേർക്കുമോയെന്ന് സംശയം പ്രകടിപ്പിക്കപ്പെട്ടിരുന്നെങ്കിലും കേരളത്തിൽ തൃണമൂൽ കോൺഗ്രസിനെ മുന്നണിയിൽ ഉൾപ്പെടുത്തുന്നതിന് തടസമില്ലെന്നാണ് ഹൈക്കമാൻ്റ് കേരള നേതൃത്വത്തെ അറിയിച്ചിരിക്കുകയാണ്.

അതേസമയം ബംഗാളിൽ തൃണമൂലിനെതിരെ അരയും തലയും മുറുക്കി കോൺഗ്രസ് രംഗത്തുള്ളപ്പോഴാണ് കേരളവുമായി ബന്ധപ്പെട്ട് മറിച്ചൊരു തീരുമാനം കോൺഗ്രസ് ഹൈക്കമാൻഡ് എടുത്തിരിക്കുന്നത്. ഇതിനായി കോൺഗ്രസ് ഹൈക്കമാന്റ് എടുത്തിരിക്കുന്ന നിലപാട് പ്രാദേശിക സഖ്യങ്ങൾക്ക് ദേശീയ നിലപാട് ബാധകമല്ല എന്നാണ്. മതേതര പാർട്ടികളെ ചേർത്ത് നിർത്തുന്നതിൽ തെറ്റില്ലെന്നും ഹൈക്കമാൻഡ് വിലയിരുത്തി. നിലമ്പൂർ ഉപതെരഞ്ഞെടുപ്പ് അടുത്തുവരുന്ന പശ്ചാത്തലത്തിലാണ് മുന്നണി പ്രവേശനം വേഗത്തിലാക്കുന്നത്.

ഇതിന്റെ ഭാ​ഗമായി ഏപ്രിൽ 24ന് കോൺഗ്രസ് നേതാക്കൾ പിവി അൻവറുമായി ചർച്ച നടത്തും. പ്രതിപക്ഷ നേതാവ് വിഡി സതീശന്റെ നേതൃത്വത്തിലാകും ചർച്ച. പ്രതിപക്ഷ നേതാവിന്റെ ഔദ്യോഗിക വസതിയിൽ നടക്കുന്ന ചർച്ചയിൽ മുന്നണി പ്രവേശനത്തിലെ നിർണായക തീരുമാനം ഉണ്ടാകും.

അതേസമയം, നിലമ്പൂരിൽ എൽഡിഎഫിന്റെ സ്ഥാനാർത്ഥിയായി ഡിവൈഎഫ്ഐ ജില്ലാ പ്രസിഡന്റ് പി ഷബീർ വന്നേക്കുമെന്നാണ് സൂചന. നിലമ്പൂർ മണ്ഡലത്തിൽ നിന്നുള്ള യുവ നേതാവായതും, ചെറുപ്പക്കാരനായതും ഷബീറിന് അനുകൂല ഘടകങ്ങളാണ്. വിഎസ് ജോയ് ആണ് യുഡിഎഫ് സ്ഥാനാർഥി എങ്കിൽ ഷബീറിനെ എൽഡിഎഫ് ഉറപ്പായും മത്സരിപ്പിച്ചേക്കുമെന്നാണ് അറിയുന്നത്.

ഹൈക്കോടതി ഉത്തരവ് ലംഘിച്ച് ഗുരുവായൂർ ക്ഷേത്രത്തിൽ ബിജെപി സംസ്ഥാന അദ്ധ്യക്ഷന്റെ വക റീൽസ് ചിത്രീകരണം, രാജീവ് ചന്ദ്രശേഖറിനെതിരെ പരാതി

BREAKING NEWS
‘ഡേർട്ടി ബോംബ്’, രാസായുധം; വാഷിങ്ടണിൽ റേഡിയോ ആക്ടീവ് ബോംബ് ആക്രമണത്തിന് ഇറാൻ നീക്കമിടുന്നതായി റിപ്പോർട്ട്; ലക്ഷ്യം യുഎസ് ഉന്നതർ
17 Nov 2026
BREAKING NEWS
ചാല സ്വർണക്കവർച്ച: നഷ്ടപ്പെട്ടത് 15 പവനെന്ന് മൊഴി, കണ്ടെടുത്തത് 202 പവൻ!! ; 146 പവൻ കുഴിച്ചിട്ട നിലയിൽ, 56 പവൻ വാഹനത്തിൽ; ഏഴുപേരെ ചോദ്യം ചെയ്യുന്നു
17 Nov 2026
BREAKING NEWS
ജപ്തിക്കിടെ ജീവനൊടുക്കിയ വീട്ടമ്മയുടെ മൃതദേഹവുമായി ബാങ്കിന് മുന്നിൽ പ്രതിഷേധം; 400 പേർക്കെതിരെ കേസ്; ജില്ലയ്ക്ക് പുറത്തുനിന്ന് ആളുകൾ പങ്കെടുത്തിട്ടുണ്ടോയെന്നതിലും അന്വേഷണം; ഉദ്യോഗസ്ഥർക്കെതിരെ ആർബിഐക്കും പരാതി
17 Nov 2026
BREAKING NEWS
താഴെ വീണ് സ്വർണ്ണം; റെക്കോർഡ് കുതിപ്പിനുശേഷം വിലയിൽ വൻ വീഴ്ച; വിപണി തിരുത്തലിൽ; വിലയിടിവ് ഉപഭോക്താക്കൾക്ക് ആശ്വാസം; ഉയർന്ന വിലയ്ക്ക് സ്റ്റോക്ക് ചെയ്ത വ്യാപാരികൾക്ക് വെല്ലുവിളി
17 Nov 2026