ആലപ്പുഴ: പതിനേഴുകാരിയായ പ്ലസ് വൺ വിദ്യാർഥിനി പ്രസവിച്ച സംഭവത്തിൽ കാമുകനായ സഹപാഠി അറസ്റ്റിൽ. ആലപ്പുഴയിലെ ഒരു ഹയർസെക്കൻഡറി സ്‌കൂളിലെ പ്ലസ് വൺ വിദ്യാർഥിനിയാണ് സഹപാഠിയിൽ നിന്ന് ഗർഭം ധരിച്ചത്. ആലപ്പുഴയിലെ സ്വകാര്യ ആശുപത്രിയിൽവച്ച്‌ കഴിഞ്ഞ മാസമാണ് പെൺകുട്ടി പ്രസവിച്ചത്.
കാമുകി പ്രസവിച്ചെന്നറിഞ്ഞതോടെ കാമുകനായ സഹപാഠി ഒളിവിൽ പോവുകയായിരുന്നു. ദിവസങ്ങൾക്ക് ശേഷം അമ്മയേയും കുഞ്ഞിനെയും അന്വേഷിച്ചിറങ്ങിയതോടെയാണ് പിടിവീണത്. കാമുകനെതിരെ പോക്സോ നിയമപ്രകാരമാണ് പോലീസ് കേസെടുത്തത്.
അതേസമയം കേരളത്തിൽ സമാനമായ റിപ്പോർട്ടുകൾ കൂടിവരികയാണ്. അടുത്തിടെ കൊല്ലത്ത് പതിനാറുകാരി പ്രസവിച്ചതായി റിപ്പോർട്ടുകൾ വന്നിരുന്നു. പതിനാലുകാരനായ സഹോദരനാണ് ഉത്തരവാദിയെന്നായിരുന്നു പെൺകുട്ടി ആദ്യം പറഞ്ഞിരുന്നത്. തമാശയ്ക്ക് തുടങ്ങിയ ബന്ധമാണെന്നും അതുവഴി ഗർഭിണിയായെന്നുമൊക്കെയായിരുന്നു പെൺകുട്ടി പറഞ്ഞിരുന്നത്. അതേസമയം പത്തനംതിട്ടയിൽ പനി ബാധിച്ച് മരിച്ച പ്ലസ് ടു വിദ്യാർഥിനിയും കാമുകനിൽ നിന്ന് ഗർഭിണിയായിരുന്നെന്നു പോസ്റ്റ് മോർട്ടത്തിൽ തെളിഞ്ഞിരുന്നു.
