ന്യൂഡൽഹി: പാർലമെന്റിന്റെ വർഷകാല സമ്മേളനത്തിന് മുന്നോടിയായി നടത്തിയ പ്രസംഗത്തിൽ പ്രതിപക്ഷ നേതാവ് രാഹുൽ ഗാന്ധിയെ പരോക്ഷമായി പരിഹസിച്ച് പ്രധാനമന്ത്രി നരേന്ദ്ര മോദി. രാജ്യത്തെ ആദ്യ സ്വകാര്യ ഓർബിറ്റൽ റോക്കറ്റായ വിക്രം-1 വിജയകരമായി വിക്ഷേപിച്ച സ്റ്റാർട്ടപ്പായ സ്കൈറൂട്ടിനെ അഭിനന്ദിക്കുന്നതിനിടെയാണ് മോദിയുടെ പരാമർശം.
“ഇന്ത്യയിലെ യുവത്വം ബഹിരാകാശ മേഖലയിലേക്ക് പുതിയ യാത്രയ്ക്ക് തുടക്കം കുറിച്ചിരിക്കുകയാണ്. സ്കൈറൂട്ട് ടീമിലെ അംഗങ്ങളുടെ ശരാശരി പ്രായം 28 വയസ്സാണ്. ഇത്തരത്തിലുള്ള യുവാക്കളാണ് ഈ നേട്ടം കൈവരിച്ചത്. ഞാൻ പറയുന്നത് 56 വയസ്സുള്ള യുവാവിനെക്കുറിച്ചല്ല,” എന്നാണ് മോദി പറഞ്ഞത്.
മോദി പരാമർശിച്ച ’56 വയസ്സുള്ള യുവാവ്’ എന്ന പ്രയോഗം പ്രതിപക്ഷ നേതാവ് രാഹുൽ ഗാന്ധിയെ ലക്ഷ്യമിട്ടുള്ളതാണെന്നാണ് രാഷ്ട്രീയ വിലയിരുത്തൽ. നിലവിൽ രാഹുൽ ഗാന്ധിക്ക് 56 വയസ്സാണ്. അദ്ദേഹത്തെ കോൺഗ്രസിന്റെ യുവനേതാവെന്ന് വിശേഷിപ്പിക്കുന്നതിനെ ബിജെപി മുൻപും പലതവണ പരിഹസിച്ചിട്ടുണ്ട്.
Related Post
പാർലമെന്റിന്റെ വർഷകാല സമ്മേളനത്തിന് തൊട്ടുമുമ്പ് പ്രധാനമന്ത്രി നടത്തിയ ഈ പരാമർശം രാഷ്ട്രീയ വൃത്തങ്ങളിൽ പുതിയ ചർച്ചകൾക്ക് വഴിവെച്ചിരിക്കുകയാണ്.
