ന്യൂഡൽഹി: പഹൽഗാം ഭീകരാക്രമണത്തിലെ അവസാന സൂത്രധാരനെയും വധിച്ചതായി ഇന്ത്യൻ സൈന്യം. ജമ്മു കശ്മീരിലെ ബദ്ഗാമിൽ സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലിൽ ലഷ്കർ കൊടുംഭീകരൻ മൂസയെ ആണ് സൈന്യം വധിച്ചത്. ഇന്നലെ രാത്രിയോടെയാണ് ഏറ്റുമുട്ടൽ തുടങ്ങിയത്. ബദ്ഗാം ജില്ലയിൽ ഉൾപ്പെടുന്ന സ്ഥലത്തായിരുന്നു ഓപ്പറേഷൻ ആരംഭിച്ചതെന്ന് സുരക്ഷാസേന വ്യക്തമാക്കുന്നു. പുലർച്ചെയോട് കൂടിയാണ് ഒരു ഭീകരനെ വധിച്ചതെന്ന് സുരക്ഷാസേന സ്ഥിരീകരിക്കുന്നുണ്ട്.
ബുദ്ഗാം ജില്ലയിൽ സുരക്ഷാസേന നടത്തിയ തെരച്ചിലിനിടെ മുഹമ്മദ് ആസിഫ് എന്ന പേരിലറിയപ്പെടുന്ന ഹാഷിം മൂസയുടെ മൃതദേഹമാണ് പാലമൈദാൻ മേഖലയിലെ പൊതുമേഖലയിൽ നിന്ന് കണ്ടെത്തിയത്. ഇയാളുടെ പക്കൽ നിന്ന് യുദ്ധസാമഗ്രികൾ ഉൾപ്പെടെയുള്ള ആയുധശേഖരവും കണ്ടെടുത്തു. അതേസമയം പഹൽഗാം ഭീകരാക്രമണത്തിലെ നാല് ഭീകരരുടെ ചിത്രങ്ങളാണ് പുറത്തുവന്നിരുന്നത്. അവരിൽ ആദ്യ രണ്ട് ഭീകരരെ ഓപ്പറേഷൻ മഹാദേവയിലൂടെ സുരക്ഷാ സേന വധിച്ചിരുന്നു. പിന്നീട് ബദ്ഗാമിൽ നടന്ന ഏറ്റുമുട്ടലിൽ ഒരാളെക്കൂടി വധിച്ചിരുന്നു. നാലാമനെ മാത്രം സുരക്ഷാസേനയക്ക് കണ്ടെത്താൻ സാധിച്ചിരുന്നില്ല. തുടർന്നാണ് ഇന്നലെ രാത്രി മുതൽ പുലർച്ചെ വരെ നടന്ന ഏറ്റുമുട്ടലിൽ ലഷ്കർ കൊടുംഭീകരൻ മൂസയെ സുരക്ഷാസൈന്യം വധിച്ചത്.
ശ്രീനഗർ ആസ്ഥാനമായ ചിനാർ കോർപ്സാണ് ഹാഷിം മൂസ കൊല്ലപ്പെട്ടതായി സ്ഥിരീകരിച്ചത്. പാലമൈദാൻ മേഖലയിലെ പുലർച്ചെയുള്ള തിരച്ചിലിനിടെയാണ് പാക്കിസ്ഥാൻ ആസ്ഥാനമായ ലഷ്കർ-ഇ- തൊയ്ബ ഭീകരനായ മുഹമ്മദ് ആസിഫ് അഥവാ ഹാഷിം മൂസയുടെ മൃതദേഹവും യുദ്ധസാമഗ്രികളും കണ്ടെത്തിയതെന്ന് സൈന്യം അറിയിച്ചു. പ്രത്യേക രഹസ്യാന്വേഷണ വിവരത്തിന്റെ അടിസ്ഥാനത്തിൽ ബുധനാഴ്ച സൈന്യവും മറ്റ് സുരക്ഷാ ഏജൻസികളും ചേർന്ന് യുസ്മർഗ് മേഖലയിൽ ‘ഓപ്പറേഷൻ കൊറാഗ്’ ആരംഭിച്ചിരുന്നു. സംശയാസ്പദമായ നീക്കങ്ങൾ ശ്രദ്ധയിൽപ്പെട്ടതിനെ തുടർന്ന് സൈനികർ പരിശോധന നടത്തുകയും സംശയാസ്പദരായവരെ കീഴടങ്ങാൻ ആവശ്യപ്പെടുകയും ചെയ്തു. ഇതിന് പിന്നാലെ ഭീകരർ വെടിയുതിർക്കുകയായിരുന്നു. തുടർന്ന് സുരക്ഷാസേനയും ഭീകരരും തമ്മിൽ ശക്തമായ ഏറ്റുമുട്ടൽ നടന്നു. ഇതിനിടെയാണ് ഹാഷിം മൂസയെ വധിച്ചതെന്നാണ് സുരക്ഷാസേനയുടെ വിശദീകരണം.
Related Post
പ്രദേശത്ത് പരിശോധന തുടരുകയാണെന്നും കൂടുതൽ ഭീകരരുടെ സാന്നിധ്യമുണ്ടോയെന്ന് കണ്ടെത്തുന്നതിനായി സുരക്ഷാസേന വിശദമായ തിരച്ചിൽ നടത്തുകയാണെന്നും അധികൃതർ അറിയിച്ചു. പ്രദേശത്ത് നിന്ന് കൂടുതൽ ആയുധങ്ങളും മറ്റ് യുദ്ധസാമഗ്രികളും കണ്ടെത്താനുള്ള നടപടികളും തുടരുകയാണ്.
2025ൽ പഹൽഗാമിൽ നടന്ന ഭീകരാക്രമണത്തിലെ പ്രധാന പ്രതികളിലൊരാളായി ഹാഷിം മൂസയെ സുരക്ഷാ ഏജൻസികൾ നേരത്തെ തിരിച്ചറിഞ്ഞിരുന്നു. ആക്രമണത്തിൽ 26 വിനോദസഞ്ചാരികളാണ് കൊല്ലപ്പെട്ടത്. ആക്രമണത്തിന് പിന്നാലെ പാക്കിസ്ഥാൻ പൗരന്മാരായ ലഷ്കർ ഭീകരർ അദിൽ ഹുസൈൻ താക്കർ, അലി ഭായ്, ഹാഷിം മൂസ എന്നിവരെ പിടികൂടാൻ സഹായിക്കുന്ന വിവരങ്ങൾക്ക് ജമ്മു കശ്മീർ പോലീസ് 20 ലക്ഷം രൂപ വീതം പാരിതോഷികം പ്രഖ്യാപിച്ചിരുന്നു.
സുരക്ഷാ ഏജൻസികളിലെ വൃത്തങ്ങൾ പറയുന്നതനുസരിച്ച് ഹാഷിം മൂസ പാക്കിസ്ഥാൻ സൈന്യത്തിന്റെ സ്പെഷ്യൽ സർവീസ് ഗ്രൂപ്പിൽ പാരാ കമാൻഡോയായി സേവനമനുഷ്ഠിച്ചിട്ടുണ്ട്. അതേസമയം പഹൽഗാം ഭീകരാക്രമണ കേസിൽ ദേശീയ അന്വേഷണ ഏജൻസി (NIA) നേരത്തെ ഏഴ് പ്രതികൾക്കെതിരെ കുറ്റപത്രം സമർപ്പിച്ചിരുന്നു. പാക്കിസ്ഥാൻ ആസ്ഥാനമായി പ്രവർത്തിക്കുന്ന ലഷ്കർ-ഇ-തൊയ്ബയും അതിന്റെ മറ്റൊരു പേരായ ദി റെസിസ്റ്റൻസ് ഫ്രണ്ടും (TRF) കേസിൽ പ്രതികളായി ഉൾപ്പെട്ടിട്ടുണ്ട്. നിരോധിത സംഘടനകളായ LeT/TRF ആക്രമണം ആസൂത്രണം ചെയ്യുന്നതിലും സൗകര്യമൊരുക്കുന്നതിലും നടപ്പാക്കുന്നതിലും വഹിച്ച പങ്കിനെക്കുറിച്ചുള്ള വിവരങ്ങൾ 1,597 പേജുള്ള കുറ്റപത്രത്തിൽ NIA വിശദീകരിച്ചിരുന്നു.
പാക്കിസ്ഥാൻ ആസ്ഥാനമായി പ്രവർത്തിക്കുന്ന ഭീകരൻ സജിദ് ജട്ടിനെയും കേസിൽ പ്രതിയായി ഉൾപ്പെടുത്തിയിട്ടുണ്ട്. പഹൽഗാം ആക്രമണവുമായി ബന്ധപ്പെട്ട ഗൂഢാലോചനയിൽ പാക്കിസ്ഥാന്റെ പങ്കിനെക്കുറിച്ചും കുറ്റപത്രത്തിൽ വിശദമായ പരാമർശങ്ങളുണ്ട്.
Korag encounter in J&K | Body of Pak-based Lashkar-e-Taiba terrorist, identified as Mohammad Asif alias Hashim Musa, who was wanted in the Pahalgam terror attack, recovered along with war-like stores
Following the 22nd April Pahalgam terror attack, J&K Police had released a sketch of Hashim Musa, naming him as one of the terrorists involved in the attack.
Visuals from Korag deferred by an unspecified time; no live operational details disclosed
— ANI (@ANI) September 30, 2026