BREAKING NEWS

‘മുട്ടയ്ക്കൊപ്പം ചെമ്പരത്തിമൊട്ടില്ലാതെ ഞാൻ കഴിക്കത്തില്ല’; സൗന്ദര്യചികിത്സാ വിവാദത്തിൽ പരിഹാസ വീഡിയോയുമായി ശോഭന ജോർജ്

· · 1 min read
Share: Copied!

തിരുവനന്തപുരം: ഔഷധി ചെയർപേഴ്സണായിരിക്കെ സൗന്ദര്യചികിത്സ നടത്തിയെന്ന ആരോപണങ്ങളിൽ പരിഹാസ വീഡിയോയുമായി ശോഭന ജോർജ്. ചൊവ്വാഴ്ച സാമൂഹികമാധ്യമങ്ങളിൽ പങ്കുവെച്ച വീഡിയോയിൽ മുട്ടയും ചെമ്പരത്തിമൊട്ടും പരാമർശിച്ചാണ് ആരോപണങ്ങളെ പരിഹസിക്കുന്നത്.

മറ്റൊരു സ്ത്രീയ്ക്കൊപ്പം ഭക്ഷണം കഴിക്കുന്നതിനിടെയുള്ള സംഭാഷണമാണ് വീഡിയോയുടെ ആദ്യഭാഗം. ‘മാഡം എന്താണ് കഴിക്കുന്നത്, മുട്ടയാണെന്ന് കരുതി’ എന്ന് സ്ത്രീ പറയുമ്പോൾ പൂരിയും സബ്ജിയുമാണ് കഴിക്കുന്നതെന്ന് ശോഭന ജോർജ് മറുപടി നൽകുന്നു. പിന്നാലെ ‘300 മുട്ട കഴിച്ചുകഴിഞ്ഞില്ലേ’ എന്ന ചോദ്യവും മുട്ടയ്ക്കൊപ്പം ചെമ്പരത്തിമൊട്ടില്ലാതെ താൻ കഴിക്കില്ലെന്ന പരിഹാസവുമുണ്ട്. ഒരു ഓംലെറ്റ് കഴിക്കുന്നതുകൊണ്ട് ബുദ്ധിമുട്ടൊന്നുമില്ലല്ലോ എന്ന ചോദ്യത്തോടെയാണ് വീഡിയോ അവസാനിക്കുന്നത്.

എൽഡിഎഫ് സർക്കാരിന്റെ കാലത്ത് ഔഷധി ചെയർപേഴ്സണായിരിക്കെ സ്ഥാപനത്തിന്റെ ചെലവിൽ ശോഭന ജോർജ് സൗന്ദര്യചികിത്സ നടത്തിയെന്ന ആരോപണമാണ് വിവാദത്തിന് പിന്നിൽ. കഴിഞ്ഞദിവസം വി.പി. സജീന്ദ്രൻ എംഎൽഎ നിയമസഭയിൽ വിഷയം ഉന്നയിച്ചിരുന്നു. മുൻ ഔഷധി ചെയർപേഴ്സൺ 300 കോഴിമുട്ട പുഴുങ്ങിത്തിന്നുകയും മൂന്ന് കിലോ ചെമ്പരത്തിമൊട്ട് ഉപയോഗിക്കുകയും നെല്ലിക്കയ്ക്ക് പകരം നാരങ്ങാനീര് കൊണ്ട് തളംവയ്ക്കുകയും ചെയ്താൽ സൗന്ദര്യം വർധിക്കുമെന്ന തരത്തിൽ വാർത്ത കണ്ടെന്നായിരുന്നു സജീന്ദ്രന്റെ പരാമർശം.

ഈ കണ്ടുപിടിത്തത്തിന് പേറ്റന്റ് ലഭിച്ചിട്ടുണ്ടോയെന്നും ഔഷധി അംഗീകരിച്ചിട്ടില്ലെങ്കിൽ ചികിത്സയ്ക്കായി ചെലവഴിച്ച തുക തിരിച്ചുപിടിക്കുമോയെന്നും എംഎൽഎ ചോദിച്ചു.

സൗന്ദര്യചികിത്സയല്ല ഔഷധിയുടെ പ്രധാന ലക്ഷ്യമെന്നായിരുന്നു ആരോഗ്യ മന്ത്രി കെ. മുരളീധരന്റെ മറുപടി. ആരോപണങ്ങൾ അന്വേഷിക്കാൻ നിയോഗിച്ച സമിതിയുടെ റിപ്പോർട്ട് ലഭിച്ചിട്ടുണ്ടെന്നും എംഎൽഎ സൂചിപ്പിച്ചതുപോലുള്ള ചികിത്സ നടത്തിയതായി അതിൽ രേഖയുണ്ടെന്നും മന്ത്രി നിയമസഭയിൽ പറഞ്ഞു. ഇക്കാര്യത്തിൽ നടപടിയൊന്നും സ്വീകരിച്ചിട്ടില്ലെന്നും അദ്ദേഹം വ്യക്തമാക്കി.

എന്നാൽ, ആരോപണങ്ങൾ ശോഭന ജോർജ് നിഷേധിച്ചിട്ടുണ്ട്. ഔഷധിയിൽ താൻ ഒരു ചികിത്സയും നടത്തിയിട്ടില്ലെന്നും ഇതിന് തെളിവുണ്ടെങ്കിൽ പുറത്തുവിടണമെന്നും അവർ ഏഷ്യാനെറ്റ് ന്യൂസിനോട് പ്രതികരിച്ചു. നിയമസഭയിൽ തനിക്കെതിരെ വ്യാജ ആരോപണം ഉന്നയിച്ചെന്നാരോപിച്ച് വി.പി. സജീന്ദ്രനെതിരെ സ്പീക്കർക്ക് പരാതി നൽകുമെന്നും ശോഭന ജോർജ് പറഞ്ഞു.

View this post on Instagram

A post shared by Sobhana George (@sobhana.george)

BREAKING NEWS
മാതാപിതാക്കൾ തമ്മിലുള്ള വഴക്ക് തടയാൻ ശ്രമിച്ചു, ഭാര്യയെ വീട്ടിൽ നിന്ന് ഇറക്കിവിട്ട ശേഷം മകനെ റൂമിനുള്ളിൽ പൂട്ടിയിട്ടു, പിന്നാലെ 16കാരൻ മകനെ കമ്പിപ്പാര കൊണ്ട് അടിച്ചുകൊന്ന് പിതാവ്
17 Nov 2026
BREAKING NEWS
‘വർഷങ്ങളായി വേട്ടയാടപ്പെടുന്നു, ഒടുവിൽ ഞാൻ പറയാൻ തീരുമാനിച്ചു’; . 'ബിലോങ്ങിങ്: എ ജേണി ഓഫ് ലവ്' എഴുതാനുള്ള കാരണം വെളിപ്പെടുത്തി സോണിയ ഗാന്ധി; ‘രാജീവിന്റെ മരണം തകർത്തുകളഞ്ഞു, പിന്നെ രാഹുലും പ്രിയങ്കയും എന്റെ രക്ഷിതാക്കളായി‘
17 Nov 2026
BREAKING NEWS
ഛഠ് പൂജയ്ക്കായി തയ്യാറാക്കിയ പ്രസാദം അമ്മ മാറിയ തക്കത്തിന് നാലുവയസുകാരി എടുത്തു കഴിച്ചു; കലികയറിയ അമ്മ മകളെ ക്രൂരമായി മർദിച്ചു, പിന്നാലെ കുട്ടിക്ക് ദാരുണാന്ത്യം
17 Nov 2026
BREAKING NEWS
"ബഹുമാനപ്പെട്ട ജഡ്ജിമാരോട് ഞാൻ യാതൊരു പ്രത്യേക പരിഗണനയും ആവശ്യപ്പെടുന്നില്ല, സുപ്രീം കോടതി പുറപ്പെടുവിച്ച ഉത്തരവുകൾ നടപ്പാക്കുകയും ഞങ്ങളുടെ ആരോഗ്യപ്രശ്നങ്ങൾക്ക് മതിയായ ചികിത്സ ഉറപ്പാക്കുകയും ചെയ്യണമെന്നാണ് നീതിയെന്ന നിലയിൽ ഞാൻ ആവശ്യപ്പെടുന്നത്, ജയിലിൽവെച്ചുതന്നെ ഞാൻ മരിച്ചേക്കും, ഭാര്യയ്ക്കും ചിക...
17 Nov 2026