BREAKING NEWS

‘ഇതൊരു അടിപൊളി കളിയാണ്’- കോൺ​ഗ്രസ്…ആവേശത്തിൽ മാധ്യമങ്ങൾക്കു മുന്നിൽ മഷി പുരട്ടിയ കൈകൾ ഉയർത്തിക്കാണിച്ച് കുടുങ്ങി എൻഡിഎ നേതാവ്!! രണ്ടു കൈ വിരലുകളിലും വോട്ടിങ് മഷി, കള്ളവോട്ടെന്ന് ആരോപണം, തെരഞ്ഞെടുപ്പ് കമ്മീഷനെ ടാഗ് ചെയ്ത് വിശദീകരണം തേടി സോഷ്യൽ മീഡിയ- Video

· · 1 min read
Share: Copied!

പട്‌ന: രാഹുൽ ​ഗാന്ധി ഉയർത്തിയ വോട്ട് ചോരി ആരോപണം ശരിവയ്ക്കുന്ന ജീവിക്കുന്ന തെളിവ് പുറത്ത്. വോട്ട് ചെയ്‌തെന്ന് കാണിക്കാൻ മഷി പുരട്ടിയ കൈകൾ ഉയർത്തിക്കാണിച്ച് കുടുങ്ങിയിരിക്കുകയാണ് എൻഡിഎ നേതാവ്. ചിരാഗ് പാസ്വാന്റെ എൽജെപി നേതാവും എംപിയുമായ ശാംഭവി ചൗധരിയാണ് മഷി പുരട്ടിയ ഇരു കൈകളും കാണിച്ച് വിവാദത്തിലായത്. ബിഹാറിൽ നടന്ന ആദ്യഘട്ട വോട്ടെടുപ്പിന് പിന്നാലെയായിരുന്നു സംഭവം. പിതാവും ജെഡിയു നേതാവുമായ അശോക് ചൗധരിക്കും മാതാവിനുമൊപ്പം മാധ്യമങ്ങളെ കാണുന്നതിനിടെയാണ് ശാംഭവി വോട്ട് ചെയ്ത കൈ ഉയർത്തിക്കാണിച്ചത്.

ശാംഭവി ആദ്യം ക്യാമറകൾക്കു മുന്നിൽ ഉയർത്തിയത് വലതുകൈ ആയിരുന്നു. ആ സമയം വലതുകയ്യിലെ ചൂണ്ടുവിരലിൽ നീല മഷി പുരണ്ടിരുന്നു. എന്നാൽ അടുത്തുനിൽക്കുന്ന പിതാവിന്റെയും മാതാവിന്റെയും കൈകളിലേക്ക് നോക്കിയ ശാംഭവി ഉടൻ തന്നെ വലതുകൈ താഴ്ത്തി ഇടതുകൈ ഉയർത്തിക്കാണിക്കുകയായിരുന്നു. ഇടതുകൈയിലും ചൂണ്ടുവിരലിൽ നീല മഷി പുരട്ടിയിരുന്നത് ക്യാമറ കണ്ണുകൾ ഒപ്പിയെടുക്കുകയും ചെയ്തു. അതേസമയം വീഡിയോ സമൂഹ മാധ്യമത്തിൽ പങ്കുവച്ച് കോൺ​ഗ്രസിന്റെ പ്രതികരണം ‘ഇതൊരു അടിപൊളി കളിയാണ് 😉’ എന്നായിരുന്നു.

ഉചൻ 10 സെക്കന്റ് നീണ്ടുനിൽക്കുന്ന വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയായിരുന്നു. ഇതോടെ ശാംഭവി എത്ര തവണ വോട്ടുചെയ്തു എന്ന ചോദ്യം ഉയരുകയാണ്. നിരവധിപേർ ഈ വീഡിയോയ്ക്ക് താഴെ തെരഞ്ഞെടുപ്പ് കമ്മീഷനെ ടാഗ് ചെയ്ത് വിശദീകരണം ആവശ്യപ്പെടുന്നുണ്ട്. എന്നാൽ ഈ വിഷയത്തിൽ തെരഞ്ഞെടുപ്പ് കമ്മീഷനോ, പാർട്ടിയോ, എൻഡിഎ സഖ്യമോ പ്രതികരിച്ചിട്ടില്ല.

വ്യാഴാഴ്ചയാണ് ബിഹാറിൽ ഒന്നാംഘട്ട വോട്ടെടുപ്പ് നടന്നത്. ഒന്നാംഘട്ട വോട്ടെടുപ്പിൽ റെക്കോർഡ് പോളിംഗാണ് രേഖപ്പെടുത്തിയത്. 64.46 ശതമാനം പോളിംഗ് രേഖപ്പെടുത്തി. മുപ്പത് വർഷത്തിനിടയിലെ ഏറ്റവും ഉയർന്ന പോളിംഗാണ് രേഖപ്പെടുത്തിയത്. 2020-ൽ 57.29 ശതമാനമായിരുന്നു പോളിംഗ്. 2000-ൽ 62.57 ശതമാനം പോളിംഗായിരുന്നു രേഖപ്പെടുത്തിയിരുന്നത്. സംസ്ഥാന നിയമസഭാ തെരഞ്ഞെടുപ്പിൽ അതായിരുന്നു ഏറ്റവും ഉയർന്ന പോളിംഗ് ശതമാനം. നവംബർ പതിനൊന്നിനാണ് രണ്ടാംഘട്ട വോട്ടെടുപ്പ് നടക്കുക. പതിനാലിനാണ് വോട്ടെണ്ണൽ.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026