ലഖ്‌നൗ: ഉത്തർപ്രദേശിലെ കുശിനഗറിൽ വനിതാ ജീവനക്കാരിയോട് മോശം പരാമർശങ്ങൾ നടത്തിയതായി ആരോപണമുയർന്നതിനെ തുടർന്ന് സ്വകാര്യ സ്കൂൾ നടത്തിപ്പുകാരനെ പോലീസ് അറസ്റ്റ് ചെയ്തു. ഇയാൾ വനിതാ ജീവനക്കാരിയോട് ലൈംഗികമായി അപമര്യാദയായ പരാമർശങ്ങളും ഭീഷണിയും നടത്തിയതായി ആരോപിക്കുന്ന അഞ്ച് മിനിറ്റിലധികം ദൈർഘ്യമുള്ള വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെയാണ് നടപടി.
രവീന്ദ്രനഗർ ധൂസ് പോലീസ് സ്റ്റേഷൻ പരിധിയിലെ മോട്ടിഛാപ്പർ സ്വദേശിയായ ദിനേശ് റായ് ആണ് അറസ്റ്റിലായത്. വനിതാ ജീവനക്കാരിയെ ലൈംഗികമായി ഉപദ്രവിക്കുകയും ഭീഷണിപ്പെടുത്തുകയും ചെയ്തെന്നാരോപിച്ച് സമൂഹമാധ്യമങ്ങളിൽ പ്രചരിച്ച പോസ്റ്റ് പോലീസിന്റെ ശ്രദ്ധയിൽപ്പെട്ടതോടെയാണ് സംഭവത്തിൽ അന്വേഷണം ആരംഭിച്ചത്.
ദിനേശ് റായിയും വനിതാ ജീവനക്കാരിയും തമ്മിലുള്ള സംഭാഷണമാണ് വീഡിയോയിലുള്ളതെന്നാണ് പോലീസ് പറയുന്നതുപ്രകാരം സംഭാഷണത്തിനിടെ റായ് വനിതയോട് ശാരീരിക ബന്ധത്തെക്കുറിച്ച് മോശമായ രീതിയിൽ സംസാരിക്കുന്നതായി വീഡിയോയിൽ കേൾക്കാം. “എന്റെ ഭാര്യയ്ക്ക് സുഖമില്ല, അതുകൊണ്ട് എനിക്ക് നിന്നോടൊപ്പം കിടക്കണം… എന്ന് ഇയാൾ പറയുന്നതായാണ് ആരോപണം.
ഇതിനെതിരെ വനിത ശക്തമായി പ്രതികരിക്കുന്നതും വീഡിയോയിൽ കേൾക്കാം. താൻ ഒരാളുടെ മകളാണെന്നും തന്നോട് ഇത്തരത്തിൽ എങ്ങനെ സംസാരിക്കാൻ കഴിയുമെന്നും അവർ ചോദിക്കുന്നുണ്ട്. വീഡിയോ സമൂഹമാധ്യമങ്ങളിൽ പ്രചരിച്ചതിന് പിന്നാലെ രവീന്ദ്രനഗർ ധൂസ് പോലീസ് ദിനേശ് റായിക്കെതിരെ എഫ്‌ഐആർ രജിസ്റ്റർ ചെയ്തു. എഫ്‌ഐആർ നമ്പർ 160/2026 പ്രകാരം ഭാരതീയ ന്യായ സംഹിതയിലെ (BNS) 75, 115(2), 351(3) വകുപ്പുകളാണ് ചുമത്തിയിരിക്കുന്നത്. ലൈംഗികാതിക്രമം, സ്വമേധയാ പരിക്കേൽപ്പിക്കൽ, ക്രിമിനൽ ഭീഷണി തുടങ്ങിയ കുറ്റങ്ങളുമായി ബന്ധപ്പെട്ട വകുപ്പുകളാണിവ.
സ്റ്റേഷൻ ഹൗസ് ഓഫീസർ അനിൽ കുമാർ സിങ്ങിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. സബ് ഇൻസ്പെക്ടർ വിനായക് യാദവും കോൺസ്റ്റബിൾ പങ്കജ് സിങ്ങും പൊലീസ് സംഘത്തിലുണ്ടായിരുന്നു. സംഭവത്തിൽ ലഭ്യമായ തെളിവുകളുടെയും അന്വേഷണത്തിന്റെയും അടിസ്ഥാനത്തിൽ തുടർ നിയമനടപടികൾ സ്വീകരിക്കുമെന്ന് പോലീസ് അറിയിച്ചു.
इन जैसे मर्दों में लिए था नारा
“मेरी पत्नी बीमार है… इसलिए मैं तुम्हारे साथ हमबिस्तर होना चाहता हूं”
उत्तर प्रदेश के कुशीनगर से एक निजी स्कूल संचालक का महिला स्टाफ के साथ अभद्र बातचीत का मामला सामने आया है। https://t.co/Ji9HFaFC3t
— Deependra Pal Singh Sau (@SauDeependra) October 2, 2026
