പത്തനംതിട്ട: പത്തനംതിട്ട സ്നേഹത്തണൽ വൃദ്ധസദനത്തിലെ ക്രൂരതയുടെ കൂടുതൽ വിവരങ്ങൾ പുറത്ത്. കട്ടപ്പന സ്വദേശിയായ കുട്ടിയെ കൂടാതെ സ്ഥാപനത്തിൽ ഉണ്ടായിരുന്ന വേറൊരു കുട്ടിയെയും മർദിച്ചു. കോട്ടയം സ്വദേശിയായ 17കാരനാണ് മർദനമേറ്റത്.
കുട്ടിയുടെ കാലിനും കൈയ്ക്കും പുറത്തും പരിക്കേറ്റതിന്‍റെ ചിത്രങ്ങൾ പുറത്തുവന്നു. കട്ടപ്പന സ്വദേശിയായ കുട്ടിയുടെ പരാതിയിൽ സ്ഥാപനത്തിലെ മാനേജർക്കും ജീവനക്കാർക്കും എതിരെ കേസെടുത്തിരുന്നു.
വൃദ്ധസദനത്തിലെ മാനേജർ റെജി, ജീവനക്കാരൻ സിജോ, ബെന്നി എന്നിവർക്കെതിരെയാണ് കട്ടപ്പന പൊലീസ് കേസെടുത്തത്. 17 വയസുള്ള കുട്ടിയെ ബാലവേല ചെയ്യിപ്പിച്ചതായും മർദിച്ചതായും ചൈൽഡ് പ്രൊട്ടക്ഷൻ ഓഫീസറുടെ പരിശോധനയിൽ കണ്ടെത്തിയിരുന്നു.
Related Post
