കൽപറ്റ: പുൽപ്പള്ളിയിൽ ഞായറാഴ്ച രാത്രി വീട്ടിൽ നിന്ന് കാണാതായ പതിനാറുകാരിയെ മരിച്ച നിലയിൽ കണ്ടെത്തി. പുൽപ്പള്ളി മീനംകൊല്ലി കനിഷ്ക നിവാസിൽ കുമാരന്റെ മകൾ കനിഷ്‌കയെ (16) ആണ് ടൗണിനോട് ചേർന്ന കൃഷിയിടത്തിൽ തൂങ്ങിമരിച്ച നിലയിൽ കണ്ടെത്തിയത്.
കനിഷ്‌കയെ ഞായറാഴ്ച രാത്രി മുതൽ വീട്ടിൽ നിന്ന് കാണാതായതായി ബന്ധുക്കൾ പുൽപള്ളി പോലീസിൽ പരാതി നൽകിയിരുന്നു. തുടർന്ന് പോലീസ് അന്വേഷണം നടത്തിവരികയായിരുന്നു. ഇതിനിടെയാണ് തിങ്കളാഴ്ച ഉച്ചയോടെ കനിഷ്കയുടെ മൃതദേഹം കണ്ടെത്തിയത്. പോലീസ് സ്ഥലത്തെത്തി തുടർനടപടി സ്വീകരിച്ചു. പടിഞ്ഞാറത്തറയിൽ പത്താം ക്ലാസ് വിദ്യാർഥിനിയാണ് മരിച്ച കനിഷ്ക. മാതാവ്: വിമല. സഹോദരങ്ങൾ: അമർനാഥ്, അനിഷ്‍ക.
