BREAKING NEWS

അനുമോളെ കണ്ടെത്തിയത് 12-ാം ​ദിവസം, അബ്ദുൾ സമദിനെ വേണ്ടാ, കുടുംബത്തിനൊപ്പം പോയാൽ മതിയെന്ന് കോടതിയിൽ… സ്വീകരിക്കാൻ തയാറാണെന്ന് ഭർത്താവ്!! അധ്യാപികയെ മാതാപിതാക്കൾക്കും ഭർത്താവിനുമൊപ്പം വിട്ടയച്ചു, അനുമോൾക്കെതിരായ ജുവനൈൽ ജസ്റ്റിസ് ആക്ട് പ്രകാരം കേസെടുക്കാനുള്ള തീരുമാനത്തിൽ നിന്ന് പിന്മാറി പോലീസ്

· · 1 min read
Share: Copied!

കോഴിക്കോട്: തൊട്ടിൽപാലത്ത് നിന്നും കാണാതായ അധ്യാപിക കുടുംബത്തോടൊപ്പം പോയാൽ മതിയെന്ന് കോടതിയിൽ. പാലക്കാട് കസബ പോലീസ് സ്റ്റേഷൻ പരിധിയിൽ നിന്നാണ് അധ്യാപികയായ കെ. അനുമോളെയും ഒപ്പമുണ്ടായിരുന്ന സുഹൃത്ത് അബ്ദുൽ സമദിനെയും കാണാതായി12–ാം ദിവസം പോലീസ് കണ്ടെത്തിയത്. തുടർന്ന് അനുമോളെ കല്ലാച്ചി മജിസ്ട്രേട്ട് കോടതിയിൽ ഹാജരാക്കി. കോടതിയിൽ കുടുംബത്തോടൊപ്പം പോകാനാണു താൽപര്യമെന്നു അറിയിച്ചതിനെ തുടർന്ന് മാതാപിതാക്കൾക്കും ഭർത്താവിനും കുട്ടികൾക്കുമൊപ്പം വിട്ടയച്ചു. അനുമോളെ സ്വീകരിക്കാൻ തയാറാണെന്ന് ഭർത്താവും കോടതിയിൽ നിലപാടെടുത്തു.

അതേസമയം മൊയിലോത്തറ സർക്കാർ എൽപി സ്കൂൾ അധ്യാപികയാണ് കെ. അനുമോൾ. കുടുംബം നൽകിയ ഹേബിയസ് കോർപ്പസ് ഹർജി ഹൈക്കോടതി പരിഗണിക്കാനിരിക്കെയാണു പോലീസ് ഇരുവരെയും കണ്ടെത്തിയത്. അബ്ദുൽ സമദ് ഈയിടെ എടുത്ത ഏഴാമത്തെ സിം കണക്‌ഷൻ പിന്തുടർന്നാണ് തൊട്ടിൽപാലം എസ്ഐയുടെ നേതൃത്വത്തിലുള്ള സംഘം പാലക്കാട് എത്തിയത്. വൈദ്യപരിശോധനയ്ക്കുശേഷം ഇരുവരെയും നാദാപുരം ഡിവൈഎസ്പി ഓഫിസിലെത്തിച്ചു വിശദമായി ചോദ്യം ചെയ്തു. അനുമോൾക്ക് കൗൺസിലിങും നൽകി. അതിനുശേഷമാണ് കോടതിയിൽ ഹാജരാക്കിയത്.

നിരവധി ക്രിമിനൽ‍ കേസുകളിൽ പ്രതിയായ അബ്ദുൽ സമദിനെ കാണാനില്ലെന്ന് കുടുംബം പരാതി നൽകിയതിനെ തുടർന്ന് വടകര പോലീസ് കേസെടുത്തിരുന്നു. ഈ കേസിൽ അബ്ദുൽ സമദിനെ വടകര കോടതിയിൽ ഹാജരാക്കി. ഇതേസമയം അനുമോളെ കല്ലാച്ചി കോടതിയിലും ഹാജരാക്കി. ഈസമയം അനുമോളുടെ അച്ഛനും അമ്മയും ഭർത്താവും മക്കളും കല്ലാച്ചി കോടതിയിലെത്തിയിരുന്നു. തുടർന്ന്, കുടുംബത്തോടൊപ്പം പോകാനാണു താൽപര്യമെന്ന് അനുമോൾ കോടതിയെ അറിയിച്ചു. സ്വീകരിക്കാൻ തയാറാണെന്ന് കുടുംബവും പറഞ്ഞു. അബ്ദുൽ സമദിനെ വടകര കോടതി കുടുംബത്തോടൊപ്പം വിട്ടയച്ചു.

അതേസമയം മക്കളെ ഉപേക്ഷിച്ചതിനു ജുവനൈൽ ജസ്റ്റിസ് ആക്ട് പ്രകാരം കേസെടുക്കാൻ പോലീസ് നേരത്തെ നീക്കം നടത്തിയിരുന്നു. പതിനഞ്ചും പത്തും വയസ്സുള്ള മക്കളുടെ മൊഴിയും രേഖപ്പെടുത്തി. പിന്നീട് ഈ തീരുമാനത്തിൽ നിന്നും പോലീസ് പിന്നോട്ടുപോയി. കഴിഞ്ഞതെല്ലാം മറന്നു സ്വീകരിക്കാമെന്നു കുടുംബം നിലപാട് എടുത്തതോടെ പോലീസ് കടുത്ത വകുപ്പ് ചുമത്തുന്നത് ഒഴിവാക്കുകയായിരുന്നു.

പത്തുവർഷം മുൻപു ഗർഭിണിയായിരിക്കെ ഗുരുതര കരൾ രോഗം ബാധിച്ച അനുമോളെ കോഴിക്കോട് മെഡിക്കൽ കോളജിൽ ചികിത്സയ്ക്കായി പ്രവേശിപ്പിച്ചിരുന്നു. തുടർന്നു കരൾ മാറ്റിവയ്ക്കണമെന്ന് ഡോക്ടർമാർ നിർദേശിച്ചു. കുടുംബത്തിന് പണം കണ്ടെത്താൻ കഴിയാതെ വന്നതോടെ തൊട്ടിൽപാലത്ത് ജനകീയ കമ്മിറ്റി രൂപീകരിച്ചാണ് ഇതിനുള്ള തുക കണ്ടെത്തിയത്. പ്രണയിച്ചു വിവാഹം കഴി‍ച്ച ഭർത്താവ് സുഭാഷിന്റെ കരളിന്റെ ഭാഗമാണു അനുവിനു മാറ്റിവച്ചത്. ഇക്കാര്യം മാധ്യമങ്ങൾ വലിയ പ്രാധാന്യത്തോടെ പ്രസിദ്ധീകരിച്ചിരുന്നു. ഇതിനുശേഷം പിഎസ്‌സി പരീക്ഷയിൽ ഉന്നത വിജയം നേടിയാണ് അനുമോൾ സർക്കാർ സർവീസിൽ കയറിയത്.

പാൽ തൊണ്ടയിൽ കുടുങ്ങിയാണ് കുഞ്ഞ് മരിച്ചതെന്ന് പിതാവ്; ’ദമ്പതികളുടെ മറ്റൊരു കുഞ്ഞും ഏതാനും നാൾ മുമ്പ് മരിച്ചിരുന്നു’, കാർത്തികപ്പള്ളിയിലെ രണ്ട് വയസ്സുകാരന്റെ മരണത്തിൽ ദുരൂഹത ആരോപിച്ച് നാട്ടുകാർ

BREAKING NEWS
പി എം ശ്രീ അറബിക്കടലില്‍ എറിയുമെന്ന് പറഞ്ഞവര്‍ കൈതോട്ടില്‍ പോലും എറിഞ്ഞില്ല, മുഖ്യമന്ത്രി ആറുമാസമായി പറയുന്നത് നുണ മാത്രമാണ്, ഇപ്പോള്‍ ഒരു തെരഞ്ഞെടുപ്പ് നടന്നാല്‍ ജനങ്ങള്‍ യുഡിഎഫിനെ തള്ളികളയും- വി ശിവന്‍കുട്ടി
18 Nov 2026
BREAKING NEWS
സെക്രട്ടറിയേറ്റിനു മുന്നിലെ സമരം 136-ാം ദിവസത്തിലേക്ക്... എൽപിഎസ്ടി നിയമനത്തിൽ സർക്കാർ അയയുന്നു, അധ്യാപക – വിദ്യാർഥി അനുപാതം 1:25 ആക്കിയേക്കും!! സമരക്കാരുമായി ചർച്ച നടത്താൻ വിദ്യാഭ്യാസമന്ത്രി, അന്തിമ തീരുമാനം സമരക്കാരുടെ നിലപാട് കൂടി പരിഗണിച്ച്, സർക്കാരിന്റെ സാമ്പത്തികബാധ്യതയും ചർച്ചയിൽ ഉന്നയിക്കും
18 Nov 2026
BREAKING NEWS
പ്രതികൾ പറയുന്നതു മുഴുവൻ ഒന്നാംതരം കള്ളങ്ങൾ!! അഭിരാം വധക്കേസ് പ്രതി ഉമറുമായി വീണ്ടും തെളിവെടുപ്പ്, ബെൽറ്റും ഫോണും വലിച്ചെറിഞ്ഞ കിണർ വറ്റിക്കും, പരിശോധന ആദ്യം ഒമർ കാണിച്ചുകൊടുത്ത സ്ഥലത്തിന് എതിർവശത്തെ മറ്റൊരു പുരയിടത്തിലെ കിണറ്റിൽ
18 Nov 2026
BREAKING NEWS
അടിയന്തരത്തിന് വിളമ്പിയ സദ്യയില്‍ ബീഫില്ല, വിളമ്പിയത് ചിക്കന്‍, വയോധികന്റെ പല്ലടിച്ച് തെറിപ്പിച്ച പ്രതി അറസ്റ്റില്‍
18 Nov 2026