BREAKING NEWS

‘അനുപമയും ദിവ്യയും പരസ്പ്പരം തർക്കത്തിലോ പ്രശ്നത്തിലോ അല്ല, തമ്മിൽ ചലഞ്ച് ഉണ്ടാകുന്നത് നല്ലതാണ് ’; രണ്ട് മാലിന്യനിർമാർജന പദ്ധതികളിലും അസ്വാഭാവികതയില്ലെന്ന് മന്ത്രി കെ.എം. ഷാജി

· · 1 min read
Share: Copied!

പത്തനംതിട്ട: രണ്ട് ഐ.എ.എസ്. ഉദ്യോഗസ്ഥർ തമ്മിൽ തർക്കമില്ലെന്നും ചലഞ്ച് മാത്രമാണെന്നും മന്ത്രി കെ.എം. ഷാജി. മാലിന്യനിർമാർജനവുമായി ബന്ധപ്പെട്ട് രണ്ട് ഉത്തരവുകൾ ഇറങ്ങിയതിൽ അസ്വാഭാവികതയില്ലെന്നും ഇനിയും ഉത്തരവുകൾ ഇറങ്ങാനുണ്ടെന്നും മന്ത്രി പറഞ്ഞു. തദ്ദേശ വകുപ്പ് സെക്രട്ടറി ടി.വി. അനുപമയും പ്രിൻസിപ്പൽ ഡയറക്ടർ ദിവ്യ എസ്. അയ്യരും തമ്മിലുള്ള തർക്കത്തെക്കുറിച്ചുള്ള ചോദ്യത്തോട് പ്രതികരിക്കുകയായിരുന്നു മന്ത്രി.

മാലിന്യനിർമാർജനത്തിന്റെ കാര്യത്തിൽ എല്ലാവരും തമ്മിൽ ചലഞ്ച് ഉണ്ടാകുന്നത് നല്ലതാണ്. നാട്ടുകാരും ഈ ചലഞ്ച് ഏറ്റെടുക്കണമെന്നും മന്ത്രി പറഞ്ഞു.

മാലിന്യമുക്ത കേരളം പരിപാടിയുടെ ഭാഗമായി തദ്ദേശ വകുപ്പിൽ രണ്ട് മാലിന്യനിർമാർജന പദ്ധതികൾ പ്രഖ്യാപിച്ചതോടെയാണ് ഉന്നത ഉദ്യോഗസ്ഥർ തമ്മിലുള്ള ഭിന്നത സംബന്ധിച്ച ചർച്ചകൾ ശക്തമായത്. ടി.വി. അനുപമയുടെ നേതൃത്വത്തിൽ ‘നിർമലം’ പദ്ധതി പ്രഖ്യാപിച്ചതിന് പിന്നാലെ ‘ഐ.സി. 100 ചലഞ്ച്’ എന്ന പേരിൽ മറ്റൊരു പദ്ധതിയും ആരംഭിച്ചു.

നിർമലം പദ്ധതിയിൽ തനിക്ക് മതിയായ പ്രാധാന്യം ലഭിച്ചില്ലെന്ന് തദ്ദേശ വകുപ്പ് പ്രിൻസിപ്പൽ ഡയറക്ടർ ദിവ്യ എസ്. അയ്യർ മന്ത്രിയെ അറിയിച്ചതിന് പിന്നാലെയാണ് ഐ.സി. 100 ചലഞ്ച് പ്രഖ്യാപിച്ചതെന്നാണ് റിപ്പോർട്ട്. പ്രിൻസിപ്പൽ ഡയറക്ടർക്ക് പ്രാതിനിധ്യം ഉറപ്പാക്കുന്നതിനാണ് രണ്ടാമത്തെ പദ്ധതി കൊണ്ടുവന്നതെന്നും സൂചനയുണ്ട്. അതേസമയം, ഐ.സി. 100 പദ്ധതിയിൽ വകുപ്പ് സെക്രട്ടറി ടി.വി. അനുപമയ്ക്ക് കാര്യമായ ചുമതലയില്ലെന്ന ആക്ഷേപവും ഉയർന്നിരുന്നു.

വിവാദം ശക്തമായതോടെ രണ്ട് പദ്ധതികളും വ്യത്യസ്തമായ പരിപാടികളാണെന്നാണ് തദ്ദേശ വകുപ്പ് വിശദീകരിച്ചത്. ഒക്ടോബർ രണ്ടിന് പറവൂരിൽ മുഖ്യമന്ത്രി ‘നിർമലം’ പദ്ധതിയുടെ ഉദ്ഘാടനം നിർവഹിച്ചിരുന്നു. സർക്കാരിന്റെ നൂറുദിന കർമപരിപാടിയുടെ ഭാഗമായി പൊതുജനപങ്കാളിത്തത്തോടെ നടപ്പാക്കുന്ന ക്യാമ്പയിനായാണ് പദ്ധതിയെ അവതരിപ്പിച്ചത്. ദീർഘകാലാടിസ്ഥാനത്തിൽ വിപുലമായ മാലിന്യനിർമാർജന പ്രവർത്തനങ്ങളാണ് പദ്ധതിയിലൂടെ ലക്ഷ്യമിടുന്നത്.

നിർമലം–പുതുയുഗ ശുചിത്വ കേരളം പദ്ധതിയുടെ ഉത്തരവ് തദ്ദേശ വകുപ്പ് സെക്രട്ടറി ടി.വി. അനുപമയാണ് പുറപ്പെടുവിച്ചത്. കഴിഞ്ഞ മാസം 30ന് ഇറക്കിയ ഉത്തരവിൽ തദ്ദേശ വകുപ്പിലെ വിവിധ ഉദ്യോഗസ്ഥരുടെ ചുമതലകളും വിശദമായി വ്യക്തമാക്കിയിരുന്നു.

എന്നാൽ സംസ്ഥാന ഏകോപന സമിതിയിൽ തദ്ദേശ വകുപ്പ് പ്രിൻസിപ്പൽ ഡയറക്ടർ അംഗം മാത്രമായതിൽ ദിവ്യ എസ്. അയ്യർക്ക് അതൃപ്തിയുണ്ടായിരുന്നെന്നാണ് വിവരം. ഇക്കാര്യം മന്ത്രി അറിയിച്ചതിന് പിന്നാലെയാണ് ഐ.സി. 100 ചലഞ്ച് എന്ന പേരിൽ പ്രിൻസിപ്പൽ ഡയറക്ടർ പ്രത്യേക ഉത്തരവ് ഇറക്കിയത്. ഒക്ടോബർ രണ്ടിനാണ് ഈ ഉത്തരവ് പുറത്തിറങ്ങിയത്.

BREAKING NEWS
"അവൻ വിഡ്ഢിയാണ്, പക്ഷേ ഞാൻ ക്യാപ്റ്റനാണ്, എന്റെ അഹങ്കാരത്തിന് വഴങ്ങുകയാണെങ്കിൽ അവന്റെ ബാഗുകൾ പാക്ക് ചെയ്ത് ഇപ്പോൾ തന്നെ വീട്ടിലേക്ക് അയക്കാം, എന്നാൽ ചെന്നൈയെ വിജയിപ്പിക്കാൻ അവന് കഴിയും, അതുകൊണ്ട് എന്റെ അഭിമാനവും അഹങ്കാരവും മാറ്റിവെച്ച് അവനെ തുടർന്നും കളിപ്പിക്കും," 2023 ഐപിഎല്ലിലെ സംഭവം വെളിപ്പെ...
18 Nov 2026
BREAKING NEWS
മക്കളെ നിങ്ങളുടെ വയസാ അവരുടെ എക്സ്പീരിയൻസിന്!! കുട്ടിക്കൊലയാളികളെ വിദ​ഗ്ധമായി പൂട്ടാനുള്ള തെളിവ് കണ്ടെത്തി പോലീസ്... 17 കാരനും ഉമറും കല്ലിൽ കെട്ടി കിണറ്റിൽ താഴ്ത്തിയ കൊലപാതകം നടത്താൻ ഉപയോഗിച്ചെന്നു കരുതുന്ന ബെൽറ്റും അഭിരാമിന്റെ മൊബൈൽ ഫോണും വസ്ത്രങ്ങളും കണ്ടെത്തി... ഉമറിനെ പൂട്ടാനുള്ള വഴി വെട്ടിത്...
18 Nov 2026
BREAKING NEWS
ഗുജറാത്ത് കലാപക്കേസിൽ നരേന്ദ്ര മോദിക്കെതിരായ അന്വേഷണം തടഞ്ഞത് കോണ്‍ഗ്രസ് നേതാക്കള്‍, ഇപ്പോൾ നമ്മൾ അതിന്റെ ഫലം അനുഭവിക്കുന്നു, വെളിപ്പെടുത്തലുമായി മുതിർന്ന കോൺഗ്രസ് നേതാവ്
18 Nov 2026
BREAKING NEWS
ഗവർണറുടെ ശുപാർശ മറയാക്കി പിണറായിയും സംഘവും പിഎസ്‌സിയിൽ കാണിച്ചിരിക്കുന്ന വൃത്തിക്കേടിൽനിന്ന് രക്ഷപ്പെടാമെന്ന് വിചാരിക്കേണ്ട!! കേരളത്തിലെ യുവജനങ്ങളെ മുഴുവൻ ചതിച്ച സർക്കാരാണ് പിണറായിയുടേത്... ഇല്ലാത്ത വേക്കൻസിക്ക് ലിസ്റ്റ് ഉണ്ടാക്കിവിട്ടു, ഒന്നാം റാങ്കുകാരന് പോലും നിയമനമില്ലാത്ത അവസ്ഥ സൃഷ്ടിച്ചു, എ...
18 Nov 2026