മൂവാറ്റുപുഴ: മാത്യു കുഴൽനാടൻ എംഎൽഎയ്ക്ക് ഭീഷണിയുള്ളതിനാൽ പോലീസ് സംരക്ഷണം നൽകണമെന്നാവശ്യപ്പെട്ട് പരാതി. മൂവാറ്റുപുഴ ബ്ലോക്ക് കോൺഗ്രസ് കമ്മിറ്റി പ്രസിഡന്റ് സാബു ജോണാണ് പോലീസിനെ സമീപിച്ചത്.
സിഎംആർഎൽ–എക്‌സാലോജിക് ഇടപാട് കേസിൽ എഫ്‌ഐആർ രജിസ്റ്റർ ചെയ്യാൻ ഹൈക്കോടതി നിർദേശിച്ചതിന് പിന്നാലെ മാത്യു കുഴൽനാടനെതിരെ സാമൂഹികമാധ്യമങ്ങളിൽ ഭീഷണികളും ആക്രമണങ്ങളും ഉണ്ടാകുന്നുവെന്നാണ് പരാതിയിലെ ആരോപണം. ഇടതുകേന്ദ്രങ്ങളിൽനിന്നും വ്യാജ അക്കൗണ്ടുകളിൽനിന്നുമാണ് ഭീഷണിസന്ദേശങ്ങൾ പ്രചരിക്കുന്നതെന്നും പരാതിയിൽ പറയുന്നു.
എംഎൽഎയുടെ സുരക്ഷ ഉറപ്പാക്കാൻ അടിയന്തര നടപടി സ്വീകരിക്കണമെന്നാണ് പരാതിയിലെ ആവശ്യം.
