റാഞ്ചി: ഝാർഖണ്ഡിൽ മുഖംമൂടി ധരിച്ചെത്തിയ 12 അംഗ സംഘത്തിന്റെ ആക്രമണത്തിൽ രണ്ട് വൈദികർക്ക് ഗുരുതര പരിക്ക്. പുരോഹിതരായ ഫാ. ഡീൻ തോമസ് സോറെംഗിനും ഫാ. ഇമ്മാനുവൽ ബാഗ്‌വാറിനുമാണ് പരുക്കേറ്റത്. ഇന്നലെ പുലർച്ചയെയായിരുന്നു സംഭവം. മുഖംമൂടിവച്ച് വടിവാളുകളുമായെത്തിയ സംഘം വൈദികരെ മർദിച്ച് സമീപത്ത് കെട്ടിയിടുകയായിരുന്നു. സിംഡെഗ ജില്ലയിലെ തുംഡെഗിയിലെ സെന്റ് ജോസഫ് പള്ളിയിലാണ് പുരോഹിതർക്ക് നേരെ ആക്രമണമുണ്ടായത്. പള്ളിയിലേക്ക് അതിക്രമിച്ച് കയറിയ 12 അംഗസംഘം മൂന്നുലക്ഷത്തിലധികം രൂപ മോഷ്ടിച്ചു.
ഗുരുതരമായി പരുക്കേറ്റ ഇരുവരെയും ഉടൻ തന്നെ ആശുപത്രിയിൽ എത്തിച്ചിരുന്നു. സിംദേഗ പോലീസ് സൂപ്രണ്ട് (എസ്പി) പറയുന്നതനുസരിച്ച്, ആക്രമണം മതപരിവർത്തവനുമായി ബന്ധപ്പെട്ടല്ല മറിച്ച് ഒരു കവർച്ചയാണെന്ന് തോന്നുന്നു. കാരണം അതേസമയം അക്രമികൾ പള്ളിയിൽ സൂക്ഷിച്ചിരുന്ന പണമാണ് മോഷ്ടിച്ചത്,”- പത്രസമ്മേളനത്തിൽ പറഞ്ഞു. സിംദേഗ പ്രധാനമായും ക്രിസ്ത്യാനികൾ താമസിക്കുന്ന ജില്ലയാണെന്നും എന്നാൽ ലക്ഷ്യം പൂർണ്ണമായും സാമ്പത്തികമായിരുന്നുവെന്നും ഉദ്യോഗസ്ഥൻ ചൂണ്ടിക്കാട്ടി. പള്ളിയിൽ സിസിടിവി ക്യാമറകൾ ഇല്ലാത്തത് അന്വേഷണത്തെ സങ്കീർണ്ണമാക്കിയിട്ടുണ്ടെന്നും എസ്പി പറഞ്ഞു.
അജ്ഞാതരായ അക്രമികൾക്കെതിരെ ഔദ്യോഗികമായി പരാതി നൽകിയിട്ടുണ്ടെന്ന് സിംദേഗ സബ് ഡിവിഷണൽ പോലീസ് ഓഫീസർ (എസ്ഡിപിഒ) ബൈജു ഒറാവോൺ സ്ഥിരീകരിച്ചു. മോഷ്ടിച്ച തുക 3 ലക്ഷം രൂപയിൽ കൂടുതലാണെന്ന് പ്രാഥമിക അന്വേഷണങ്ങൾ കണക്കാക്കുന്നു. പോലീസ് പട്രോളിംഗ് ശക്തമാക്കി, സൂചനകൾ ശേഖരിക്കാൻ നാട്ടുകാരെ ചോദ്യം ചെയ്യുന്നുെണ്ടെന്നും പോലീസ് വ്യക്തമാക്കി
അതേസമയം മാസങ്ങൾക്കുള്ളിൽ സിംദേഗയിൽ കത്തോലിക്കാ പുരോഹിതന്മാർക്കെതിരായ രണ്ടാമത്തെ ആക്രമണമാണിത്. 2025 ജൂണിൽ, ആയുധധാരികളായ അക്രമികൾ ബോൾബോ ബ്ലോക്കിലെ സെന്റ് തെരേസ പള്ളിയെ ലക്ഷ്യം വച്ചുകൊണ്ട് മൂന്ന് പുരോഹിതന്മാരെ ആക്രമിക്കുകയും പണം കൊള്ളയടിക്കുകയും ചെയ്തു.
ഇതിനിടെ പുരോഹിതന്മാർക്കും പള്ളിക്കും നേരെയുണ്ടായ ആക്രമണം പൊതു സുരക്ഷയെയും മതസ്ഥാപനത്തെ ലക്ഷ്യംവയ്ക്കുന്നതിനെക്കുറിച്ചും ആശങ്ക ഉയർത്തുന്നതാണെന്ന് പള്ളി അധികൃതർ വ്യക്തമാക്കി. ആക്രമണത്തിന്റെ ലക്ഷ്യം മോഷണമാണെന്ന് തോന്നുമെങ്കിലും ഒരു മതസ്ഥാപനത്തെ മനപൂർവം ലക്ഷ്യംവച്ചത് പ്രത്യേകം ശ്രദ്ധിക്കേണ്ട കാര്യമാണെന്നും പള്ളി അധികൃതർ പറഞ്ഞു. അക്രമത്തിൽ പ്രാദേശിക കത്തോലിക്ക സമൂഹം ശക്തമായി അപലപിച്ചു.
