ഇന്ത്യൻ കാർ വിപണിയിലെ വമ്പന്മാരായ മാരുതി സുസുക്കിയുടെ വിവിധ മോഡലുകൾക്ക് ഫെബ്രുവരി ഒന്ന് മുതൽ വിലവർധിക്കുമെന്ന് റിപ്പോർട്ട്. 5,000 മുതൽ 32,500 രൂപവരെയുള്ള വർധനയുണ്ടാകുമെന്ന് കമ്പനി വ്യാഴാഴ്ച അറിയിച്ചു. വർദ്ധിച്ചുവരുന്ന പ്രവർത്തന ചെലവുകൾ കാരണമാണ് നിലവിലെ വില വർദ്ധനയെന്നാണ് മാരുതി സുസുക്കിയുടെ വിശദീകരണം.
‘ചെലവ് ക്രമീകരിക്കുന്നതിനും ഉപഭോക്താക്കളിൽ ആഘാതം കുറയ്ക്കുന്നതിനും കമ്പനി പ്രതിജ്ഞാബദ്ധമാണെങ്കിലും, വർദ്ധിച്ച ചെലവുകൾ വിപണിയിലേക്ക് കൈമാറാൻ ഞങ്ങൾ നിർബന്ധിതരാകുന്നു’ കമ്പനിയുടെ വിശദീകരണത്തിൽ പറയുന്നു. പുതുക്കിയ നിരക്കനുസരിച്ച് സെലേറിയോയ്ക്ക് എക്സ്-ഷോറൂം വിലയിൽ 32,500 രൂപ വരെയും പ്രീമിയം മോഡൽ ഇൻവിക്‌റ്റോയുടെ വില 30,000 രൂപ വരെയും വർദ്ധിക്കും.
അതേപോലെ മാരുതി സുസുക്കിയുടെ ജനപ്രിയ മോഡലായ വാഗൺ-ആറിന് 15,000 രൂപ വരെയും സ്വിഫ്റ്റിന്റെ വില 5,000 രൂപ വരെയും ഉയരും. എസ്‌യുവികളായ ബ്രെസ്സയ്ക്കും ഗ്രാൻഡ് വിതാരയ്ക്കും യഥാക്രമം 20,000 രൂപയും 25,000 രൂപയും വില വർധിക്കും. ആൾട്ടോ കെ10ന്റെ വിലയിൽ 19,500 രൂപവരെ വർധിക്കും. ഫ്രോങ്സിന് 5,500 രൂപയും ഡിസൈറിന് പതിനായിരം രൂപവരെയും വർധിക്കുമെന്നും കമ്പനി വിശദീകരണത്തിൽ പറയുന്നു.
സിനിമ പോലെ മനോഹരമായ പ്രണയം, വീരുവിന് ഏഴും ആരതിക്ക് അഞ്ചും വയസുള്ളപ്പോൾ കണ്ടുമുട്ടി… 21-ാം വയസിൽ വിവാഹാഭ്യർഥന, ഒടുവിൽ ആന്റി- ക്ലൈമാക്സ്… വീരേന്ദർ സേവാഗും ആരതി അഹ്‍ലാവത്തും വിവാഹമോചിതരാകുന്നു? ഒരു വർഷത്തിലേറെയായി പിരിഞ്ഞുതാമസം
