ന്യൂഡൽഹി: വോട്ടർപട്ടികയിലെ പ്രത്യേക തീവ്ര പരിഷ്‌കരണമായ (SIR) നടപടിയിൽ ക്രമക്കേടുണ്ടെന്നാരോപിച്ച് മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരെ പ്രതിപക്ഷം നടത്തുന്ന പ്രതിഷേധത്തിനിടെ മോദി അനുകൂല മുദ്രാവാക്യം വിളിച്ചയാളെ മർദിച്ചതായി ആരോപണം. ഡൽഹിയുടെ ഹൃദയഭാഗത്ത് നടന്ന പ്രതിഷേധത്തിനിടെയാണ് സംഭവം. പ്രതിഷേധത്തിന്റെ മൂന്നാം ദിവസമായ വ്യാഴാഴ്ചയാണ് സംഭവത്തിന്റെ ദൃശ്യങ്ങൾ പുറത്തുവന്നത്.
പ്രതിപക്ഷ നേതാക്കളും പ്രവർത്തകരും കേന്ദ്ര സർക്കാരിനെതിരെയും പ്രധാനമന്ത്രി നരേന്ദ്ര മോദിക്കെതിരെയും മുദ്രാവാക്യങ്ങൾ വിളിച്ചുകൊണ്ടിരിക്കെയാണ് ഒരാൾ വ്യത്യസ്തമായ നിലപാടുമായി രംഗത്തെത്തിയത്. ഇയാൾ മോദിയെ അനുകൂലിച്ചുള്ള മുദ്രാവാക്യം വിളിക്കുകയായിരുന്നു. ഇതോടെ പ്രതിഷേധക്കാർ ഇയാളെ വളഞ്ഞതായും തുടർന്ന് തള്ളുകയും പലതവണ അടിക്കുകയും ചെയ്തതായി പുറത്തുവന്ന വീഡിയോയിൽ കാണാം.
സംഭവസമയത്ത് നിരവധി മാധ്യമപ്രവർത്തകരും വാർത്താ ക്യാമറകളും സ്ഥലത്തുണ്ടായിരുന്നു. മോദി അനുകൂല മുദ്രാവാക്യം വിളിച്ചയാളെ ഒരു സംഘം ആളുകൾ വളയുന്നതും പിന്നീട് ഇയാളെ തള്ളുകയും അടിക്കുകയും ചെയ്യുന്നതുമാണ് വീഡിയോയിൽ ദൃശ്യമാകുന്നത്.
Related Post
സംഭവത്തിൽ ബിജെപി കടുത്ത പ്രതിഷേധവുമായി രംഗത്തെത്തി. കോൺഗ്രസ് പ്രവർത്തകർ രാജ്യത്തെ ഒരു പൗരനെ ആക്രമിച്ചുവെന്നാണ് ബിജെപിയുടെ ആരോപണം. ബിജെപി വക്താവ് പ്രദീപ് ഭണ്ഡാരി സംഭവത്തിന്റെ വീഡിയോ സഹിതം എക്സിൽ പോസ്റ്റ് പങ്കുവെച്ചു.
“പ്രധാനമന്ത്രി നരേന്ദ്ര മോദിക്ക് അനുകൂലമായി ഒരു ഇന്ത്യൻ പൗരൻ മുദ്രാവാക്യം വിളിച്ചപ്പോൾ കോൺഗ്രസ് പ്രവർത്തകർ അയാളെ വളഞ്ഞിട്ട് മർദിച്ചു. കോൺഗ്രസ് പ്രവർത്തകർക്ക് ലജ്ജിക്കണം,” എന്നായിരുന്നു പ്രദീപ് ഭണ്ഡാരിയുടെ പ്രതികരണം.
“ഇന്ത്യയിലെ ജനങ്ങളെ ആക്രമിക്കുന്ന നിലയിലേക്ക് അരാജക കോൺഗ്രസ് എത്തിയിരിക്കുകയാണ്. ജനാധിപത്യം സംരക്ഷിക്കാൻ ആഗ്രഹിക്കുന്ന ഇന്ത്യയിലെ ജനങ്ങളും അരാജക കോൺഗ്രസും തമ്മിലാണ് ഇപ്പോഴത്തെ പോരാട്ടം,” എന്നും അദ്ദേഹം ആരോപിച്ചു.
അതേസമയം, ബുധനാഴ്ച നടന്ന പ്രതിപക്ഷ പ്രതിഷേധവുമായി ബന്ധപ്പെട്ട് മൂന്ന് എഫ്ഐആറുകൾ രജിസ്റ്റർ ചെയ്തതായി ഡൽഹി പോലീസ് അറിയിച്ചു. കൂടുതൽ കേസുകൾ രജിസ്റ്റർ ചെയ്യുന്ന നടപടികൾ പുരോഗമിക്കുകയാണെന്നും പോലീസ് വ്യക്തമാക്കി. പോലീസ് ഉദ്യോഗസ്ഥരോട് മോശമായി പെരുമാറിയെന്ന ആരോപണം തുടങ്ങിയ വിവിധ വകുപ്പുകൾ പ്രകാരമാണ് എഫ്ഐആറുകൾ രജിസ്റ്റർ ചെയ്തിരിക്കുന്നത്. ഇതിനകം രജിസ്റ്റർ ചെയ്ത എഫ്ഐആറുകളുടെ വിശദാംശങ്ങളിൽ കോൺഗ്രസ് നേതാക്കളായ രാഹുൽ ഗാന്ധിയുടെയും പ്രിയങ്ക ഗാന്ധിയുടെയും പേരുകളും ഉൾപ്പെട്ടിട്ടുണ്ടെന്ന് ഡൽഹി പോലീസ് അറിയിച്ചു.
Shame on Congress workers!
When a citizen of India raised slogans in favour of PM @narendramodi , Congress workers encircle him and beat him up!
Anarchist Congress is now attacking “We The Peope of India”
The fight is between People of India who want to save Democracy & Anarchist Congress!
— Pradeep Bhandari(प्रदीप भंडारी)🇮🇳 (@pradip103) October 8, 2026