കോഴിക്കോട്: ബെംഗളൂരുവിലെ താമസസ്ഥലത്ത് മലയാളികളായ അമ്മയെയും മകളെയും മരിച്ച നിലയിൽ കണ്ടെത്തി. കോഴിക്കോട് ചേളന്നൂർ സ്വദേശികളായ കോടോളി പറമ്പത്ത് ശ്രീലേഖ (52), മകൾ അനഘശ്രീ (20) എന്നിവരാണ് മരിച്ചത്. ബെംഗളൂരുവിലെ നെലമംഗലയിലുള്ള ഇവരുടെ വീട്ടിലാണ് മൃതദേഹങ്ങൾ കണ്ടെത്തിയത്. മരണകാരണം വ്യക്തമല്ല.
നെലമംഗല ഗവൺമെന്റ് ആശുപത്രിയിൽ പോസ്റ്റ്‌മോർട്ടം നടപടികൾ പൂർത്തിയാക്കിയ ശേഷം ഇരുവരുടെയും മൃതദേഹങ്ങൾ പൊതുദർശനത്തിന് വെച്ചു. നെലമംഗലയിലെ വസതിയിലും ചൊക്കസാന്ദ്ര മാരുതി ലേഔട്ടിലുമായിരുന്നു പൊതുദർശനം. തുടർന്ന് പീനിയ വൈദ്യുത ശ്മശാനത്തിൽ മൃതദേഹങ്ങൾ സംസ്കരിച്ചു.
