മലപ്പുറം: പിഞ്ചുകുഞ്ഞിനെയടക്കം ഏഴുപേര്‍ക്ക് നേരെ തെരുവുനായ ആക്രമണം. മലപ്പുറം പുത്തനങ്ങാടിയിലാണ് സംഭവം. അമ്മയുടെ തോളില്‍ കിടന്ന കുഞ്ഞിനെയാണ് നായ ചാടി കടിച്ചത്. ആറ് മാസം പ്രായമുള്ള കുട്ടിയെ ഉൾപ്പെടെ മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ആദ്യം കുട്ടിയെ കടിച്ച നായ പിന്നീട് ആളുകൾക്കിടയിലേക്ക് ഓടിനടന്ന് പലരെയും കടിക്കുകയായിരുന്നു. ഇന്നലെ (ഫെബ്രുവരി 15) വൈകുന്നേരം അഞ്ചരമണിയോടെ ആയിരുന്നു സംഭവം. പലരുടെയും ശരീരത്തിൽ ആഴത്തിലുള്ള മുറിവുകളുണ്ടെന്നാണ് വിവരം. നായയെ ഇതുവരെ പിടികൂടാൻ സാധിച്ചിട്ടില്ല.
